മലപ്പുറം: മാസ്‌ക് ധരിക്കാതെ വീടുകളിൽ നിന്ന് പുറത്തിറങ്ങിയതിന് 232 പേർക്കെതിരെ ഇന്നലെ പൊലീസ് കേസെടുത്ത് പിഴ ഈടാക്കി. കൊവിഡ് 19 പ്രതിരോധത്തിന്റെ ഭാഗമായി പ്രഖ്യാപിച്ച നിരോധനാജ്ഞ ലംഘിച്ചതിന് ജില്ലയിൽ 20 കേസുകൾ കൂടി ഇന്നലെ രജിസ്റ്റർ ചെയ്തതായി ജില്ലാ പൊലീസ് മേധാവി യു. അബ്ദുൾ കരീം അറിയിച്ചു. വിവിധ സ്റ്റേഷനുകളിലായി 29 പേരെ ഇന്നലെ അറസ്റ്റ് ചെയ്തു. നിർദ്ദേശങ്ങൾ ലംഘിച്ച് നിരത്തിലിറക്കിയ എട്ട് വാഹനങ്ങളും പിടിച്ചെടുത്തിട്ടുണ്ട്.