മൈലപ്ര: കൊവിഡ് 19 മൂലം സാമ്പത്തിക ബുദ്ധിമുട്ട് അനുഭവിക്കുന്ന അംഗങ്ങൾക്ക് മൈലപ്ര സർവീസ് സഹകരണബാങ്ക് സാന്ത്വന സ്പർശം എന്ന പദ്ധതി നടപ്പാക്കുന്നു.മറ്റ് സഹകരണ സ്ഥാപനങ്ങൾ ഇത് മാതൃകയാക്കേണ്ടതാണെന്ന് കെ.യു.ജനീഷ് കുമാർ എം.എൽ.എ പറഞ്ഞു.മുൻഗണനാ വിഭാഗത്തിൽപ്പെട്ട അംഗങ്ങൾക്ക് 10000 രൂപ വീതം പലി ശ രഹിത വായ്പയായി അനുവദിക്കുന്ന ഈ പദ്ധതി സാമൂഹ്യ പ്രതിബദ്ധത ഉളവാക്കുന്ന നടപടിയാണെന്ന് അദ്ദേഹം പറഞ്ഞു. ജില്ലയിൽ ആദ്യമായിട്ടാണ് ഒരു സഹകരണബാങ്ക് പലിശ രഹിത വായ്പ നൽകുന്നത്. പ്രസിഡന്റ് ജെറി ഈശോ ഉമ്മൻ അദ്ധ്യക്ഷത വഹിച്ചു. വൈസ് പ്രസിഡന്റ് എൻ.ആർ സുനിൽകുമാർ,സെക്രട്ടറി ജോഷ്വാ മാത്യു,എ.എൻ വാസുക്കുട്ടനാചാരി എന്നിവർ പങ്കെടുത്തു.