പത്തനംതിട്ട : ആറന്മുള്ള ദർമോസ് ഫിഷ് ഹബിൽ നിന്ന് പഴകിയ മത്സ്യം പിടിച്ചെടുത്ത് നശിപ്പിച്ചു. റവന്യു, പൊലീസ്, ഭക്ഷ്യപൊതുവിതരണം, ലീഗൽ മെട്രോളജി, ആരോഗ്യം, ഭക്ഷ്യസുരക്ഷ വിഭാഗങ്ങളിലെ ഉദ്യോഗസ്ഥർ അടങ്ങിയ സ്‌ക്വാഡാണ് റെയ്ഡ് നടത്തിയത്.കോഴഞ്ചേരി തഹസീൽദാർ കെ.ഓമനക്കുട്ടൻ, ഡെപ്യുട്ടി തഹസീൽദാർ ജി. ജയബാബു എന്നിവരുടെ നേതൃത്വത്തിലായിരുന്നു റെയ്ഡ്.
ഇതുവരെ വിവിധ സ്ഥാപനങ്ങളിൽ നിന്ന് പിഴ ഇനത്തിൽ 78,000 രൂപ സ്‌ക്വാഡ് ഈടാക്കിയിട്ടുണ്ട്. ലോക്ക് ഡൗൺ കാലത്ത് ജില്ലയിലെ കടകളിൽ ഭക്ഷ്യവസ്തുക്കൾക്ക് അമിത വില ഈടാക്കുന്നുണ്ടോ, ഭക്ഷ്യവസ്തുക്കളുടെ അളവ്, തൂക്കം, ഗുണമേന്മ, എന്നിവ ഉറപ്പാക്കുന്നുണ്ടോയെന്നു പരിശോധിക്കുന്നതിനും ജില്ലാ കളക്ടറുടെ നിർദേശ പ്രകാരമാണു സ്‌ക്വാഡ് രൂപീകരിച്ചിട്ടുള്ളത്.