തിരുവല്ല: കൊവിഡ് കാലത്ത് ഓരോ റേഷൻ കാർഡിനും 2000 രൂപാ വീതം ധനസഹായം നൽകുക, വെദ്യുതി ബോർഡിന്റെ ഇരുട്ടടി നിറുത്തലാക്കുക, തമിഴ്‌നാടിനെ മാതൃകയാക്കി പാവപ്പെട്ടവർക്ക് സഹായം എത്തിക്കുക, ഇന്ത്യയിലുള്ള പ്രവാസികളെ ട്രെയിനിൽ സൗജന്യമായി നാട്ടിലെത്തിക്കുക എന്നീ ആവശ്യങ്ങൾ ഉന്നയിച്ച് ജനതാദൾ (യു) തിരുവല്ലയിൽ നടത്തിയ ധർണ സംസ്ഥാന ട്രഷറർ ജേക്കബ് തോമസ് തെക്കേപുരയ്ക്കൽ ഉദ്ഘാടനം ചെയ്തു. പ്രസിഡന്റ് ഗോപകുമാർ മുഞ്ഞനാട്ട് അദ്ധ്യക്ഷത വഹിച്ചു.തമ്പി പാണം പറസിൽ, സുനിൽ വിരുത്തിയിൽ, ബിജു ടി.ജേക്കബ്, സച്ചു സക്കറിയ എന്നിവർ പ്രസംഗിച്ചു.