പത്തനംതിട്ട : കൊവിഡ് -19 ധനസഹായത്തിന് അക്ഷയവഴിയോ, മൊബൈൽ ഫോൺ മുഖേനയോ www.karshakathozhilali.org എന്ന വെബ്സൈറ്റിലൂടെ അപേക്ഷിക്കാമെന്ന് കർഷക തൊഴിലാളി ക്ഷേമനിധി ബോർഡ് ജില്ലാ എക്സിക്യൂട്ടീവ് ഓഫീസർ അറിയിച്ചു. അപേക്ഷയോടൊപ്പം അപ്‌ലോഡ് ചെയ്യേണ്ട രേഖകൾ : ആധാർ കാർഡ്, ബാങ്ക് പാസ് ബുക്കിന്റെ ആദ്യപേജ്, അംഗത്വപാസ് ബുക്കിന്റെ വിശദവിവരങ്ങൾ അടങ്ങിയ ആദ്യപേജ്, അവസാനം അംശദായം അടച്ച പേജ്. രേഖകളിലെ പേരിലോ വിലാസത്തിലോ വ്യത്യാസം ഉണ്ടെങ്കിൽ വൺ ആൻഡ് സെയിം സർട്ടിഫിക്കറ്റ് വാങ്ങണം. അപേക്ഷ ഒരിക്കൽ സമർപ്പിച്ചവർ ഇനി അപേക്ഷിക്കേണ്ടതില്ല. ഇ-മെയിൽ വിലാസത്തിലോ വാട്സ്ആപ്പ് ഗ്രൂപ്പുകളിലോ ഇനി അപേക്ഷ അയയ്ക്കേണ്ടതില്ല.