കൊടുമൺ: കൊവിഡ് ബാധയെത്തുടർന്ന് പ്രതിസന്ധിയിലായ കർഷകർക്ക് കൈത്താങ്ങായി പഴംകൊട്ട പച്ചക്കറിക്കൊട്ട പദ്ധതിക്ക് കൊടുമണ്ണിൽ തുടക്കമായി.കൊടുമൺ പഞ്ചായത്തിന്റെ നേതൃത്വത്തിൽ കൊടുമൺ ഇക്കോ ഷോപ്പിൽ ആരംഭിച്ച പദ്ധതിയുടെ ഉദ്ഘാടനം ചിറ്റയം ഗോപകുമാർ എം.എൽ.എ നിർവഹിച്ചു.നാടൻ പച്ചക്കറിയും പഴവർഗങ്ങളുമാണ് ഇവിടെ ലഭിക്കുക. കൊടുമൺ റൈസ്,പന്തളം ശർക്കര,കൈതച്ചക്ക,മാമ്പഴം,പച്ചക്കറികൾ എന്നിവ ഷോപ്പിൽ ലഭിക്കും.

പഞ്ചായത്ത് പ്രസിഡന്റ് കുഞ്ഞന്നാമ്മ കുഞ്ഞ്,ബ്ലോക്ക് പഞ്ചായത്ത് വൈസ് പ്രസിഡന്റ് എസ്.രാധാകൃഷ്ണൻ, ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ അഡ്വ..സി.പ്രകാശ്, എ.എൻ സലിം,കൃഷി അസിസ്റ്റന്റ് ഡയറക്ടർ സുരേഷ്,കൃഷി ഓഫീസർ ആദില എന്നിവർ പങ്കെടുത്തു.