പത്തനംതിട്ട: കൊവിഡ് കാലഘട്ടത്തിൽ കെ.എസ്.ഇ.ബി.യുടെ ആക്ച്വൽ ഡേ ബിൽഡിംഗ് അവസാനിപ്പിച്ച് നിലവിലുണ്ടായിരുന്ന 60 ദിവസം കണക്കാക്കി ബിൽ കുറച്ചു നൽകുക, നിർദ്ധനർക്കും, കാൻസർ, കിഡ്‌നി ഹൃദയ രോഗികൾക്കും, അടഞ്ഞുകിടക്കുന്ന എല്ലാ സ്ഥാപനങ്ങളുടെയും വൈദ്യുതി ചാർജ് ഒഴിവാക്കുക തുടങ്ങിയ ആവശ്യങ്ങളുന്നയിച്ച് യൂത്ത് കോൺഗ്രസ് ജില്ലാ കമ്മിറ്റിയുടെ നേതൃത്വത്തിൽ കൈപ്പട്ടൂർ വൈദ്യുതി ഭവന് മുന്നിൽ നടത്തിയ ത്രീ ഫേസ് പ്രതിഷേധ ജ്വാല കെ.പി.സി.സി ജനറൽ സെക്രട്ടറി അഡ്വ.ശിവദാസൻ നായർ ഉദ്ഘാടനം ചെയ്തു.ജില്ലാ പ്രസിഡന്റ് ജി.കണ്ണൻ അദ്ധ്യക്ഷത വഹിച്ചു.ജില്ലാ ഭാരവാഹികളായ അബു ഏബ്രഹാം വീരപ്പള്ളി, ജിതിൻ നൈനാൻ,ഡി.സി.സി ജനറൽ സെക്രട്ടറി സജി കൊട്ടക്കാട്,യൂത്ത് കോൺഗ്രസ് അസംബ്‌ളി പ്രസിഡന്റ് ജോയൽ, കോൺഗ്രസ് മണ്ഡലം പ്രസിഡണ്ട് ജി ജോൺ, ബ്ലോക്ക് പഞ്ചായത്ത് വൈസ് പ്രസിഡണ്ട് റോസമ്മ ബാബുജി എന്നിവർ സംസാരിച്ചു.ജില്ലയിലെ വിവിധ കെ.എസ്.ഇ.ബി ഓഫീസുകൾക്ക് മുന്നിൽ യൂത്ത് കോൺഗ്രസ് ത്രീ ഫേസ് പ്രതിഷേധ ജാഥ സംഘടിപ്പിച്ചു.