പത്തനംതിട്ട : അസംഘടിത മേഖലയിലെ ദിവസ വേതനക്കാരായ തൊഴിലാളികൾക്ക് ജോലിക്കിടയിൽ ഉണ്ടാകുന്ന സ്ഥിരവും പൂർണവുമായ അംഗവൈകല്യം, പക്ഷാഘാതം, കാൻസർ, ട്യൂമർ, ക്ഷയം, വൃക്ക സംബന്ധമായ രോഗങ്ങൾ, ഹൃദയ സംബന്ധമായ രോഗങ്ങൾ എന്നിവയാൽ ദുരിതം അനുഭവിക്കുന്നവർക്ക് ഒറ്റത്തവണ ധനസഹായം അനുവദിക്കുന്നതിന് സർക്കാർ ഉത്തരവായി. ഈ ധനസഹായത്തിന് അർഹരായിട്ടുള്ളവർ ഫാറം1 അപേക്ഷയോടൊപ്പം മെഡിക്കൽ സർട്ടിഫിക്കറ്റ്, പഞ്ചായത്ത് മെമ്പർ/കൗൺസിലറുടെ കത്ത്, ആധാറിന്റെ പകർപ്പ്, ബാങ്ക് പാസ് ബുക്കിന്റെ പകർപ്പ് ഉൾപ്പെടെ മേയ് 18 ന് മുമ്പായി അടുത്തുള്ള അസിസ്റ്റന്റ് ലേബർ ഓഫീസുകളിൽ നേരിട്ടോ, ഇമെയിൽ വിലാസത്തിലോ അപ്‌ലോഡ് ചെയ്യുകയോ ചെയ്യണമെന്ന് ജില്ലാ ലേബർ ഓഫീസർ അറിയിച്ചു. അസിസ്റ്റന്റ് ലേബർ ഓഫീസർ അടൂർ: aloadoor@gmail.com, അസിസ്റ്റന്റ് ലേബർ ഓഫീസർ തിരുവല്ല: alothiruvalla@gmail.com , അസിസ്റ്റന്റ് ലേബർ ഓഫീസർ പത്തനംതിട്ട: alopathanamthitta@gmail.com,
അസിസ്റ്റന്റ് ലേബർ ഓഫീസർ മല്ലപ്പള്ളി: alomallappally@gmail.com , അസിസ്റ്റന്റ് ലേബർ ഓഫീസർ റാന്നി: aloranni@gmail.com .