കോന്നി: കൊവിഡ് ദുരിതങ്ങളിൽനിന്ന് കരകയറാൻ ശ്രമിക്കുന്ന നാടിനൊപ്പം ഡി.വൈ.എഫ്‌.ഐ റീസൈക്കിൾ കേരള പദ്ധതിയും. വീടുകളിൽ നിന്ന് ഉപയോഗശൂന്യമായ വസ്തുക്കൾ ശേഖരിച്ച്, അത് വി​റ്റ് ലഭിക്കുന്ന പണം മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകുകയാണ് ഡി.വൈ.എഫ്‌.ഐ. മലയാലപ്പുഴ മേഖലാതല ഉദ്ഘാടനം മുതിർന്ന പാർട്ടി പ്രവർത്തകൻ ആർ. തങ്കപ്പന്റ കൈയിൽ നിന്നും സാധനങ്ങൾ ഏ​റ്റു വാങ്ങി സംസ്ഥാന വൈസ് പ്രസിഡന്റ് കെ.യു.ജനീഷ് കുമാർ എം.എൽ.എ നിർവഹിച്ചു.ബ്ലോക്ക് പ്രസിഡന്റ് വി.ശിവകുമാർ,ബ്ലോക്ക് കമ്മി​റ്റിയംഗം അജേഷ് വെട്ടൂർ,മേഖല പ്രസിഡന്റ് കെ.എ രഞ്ജു, വൈസ് പ്രസിഡന്റ് എം.ആർ.രാഹുൽ എന്നിവർ പ്രസംഗിച്ചു. പ്രമാടത്ത് ജില്ലാ വൈസ് പ്രസിഡന്റ് എം.അനീഷ് കുമാർ യാക്കോബായ സഭാ വൈദികൻ റവ.ജിജു.എം.ജോണിൽ നിന്ന് സാധനങ്ങൾ ഏ​റ്റുവാങ്ങി ഉദ്ഘാടനം ചെയ്തു.ബ്ലോക്ക് ജോയിന്റ് സെക്രട്ടറി എം.അഖിൽ,മേഖലസെക്രട്ടറി എസ്.രജീഷ്,പ്രസിഡന്റ് ആർ.ജി.അനൂപ് എന്നിവർ പ്രസംഗിച്ചു.ഐരവണ്ണിൽ മേഖല സെക്രട്ടറി നിഷാദ്,ആശിഷ് ലാൽ,മുബീൻ മാഹിം എന്നിവർ നേതൃത്വം നൽകി.