പത്തനംതിട്ട : ജില്ലയിൽ ഇന്നലെ ആറ് കൊവിഡ്19 കേസുകൾ സ്ഥിരീകരിച്ചു. നിലവിൽ ജില്ലയിൽ 22 പേർ രോഗികളായിട്ടുണ്ട്. ജനറൽ ആശുപത്രി പത്തനംതിട്ടയിൽ 18 പേരും ജില്ലാ ആശുപത്രി കോഴഞ്ചേരിയിൽ ഏഴു പേരും ജനറൽ ആശുപത്രി അടൂരിൽ നാലു പേരും, സി.എഫ്.എൽ.ടി.സി റാന്നി മേനാംതോട്ടം ആശുപത്രിയിൽ അഞ്ചു പേരും ഐസൊലേഷനിൽ ഉണ്ട്.
സ്വകാര്യ ആശുപത്രികളിൽ 11 പേർ ഐസൊലേഷനിൽ ഉണ്ട്. ജില്ലയിൽ ആകെ 45 പേർ വിവിധ ആശുപത്രികളിൽ ഐസോലേഷനിൽ ആണ്. ഇന്നലെ പുതിയതായി ഒൻപതു പേരെ ഐസൊലേഷനിൽ പ്രവേശിപ്പിച്ചു. നേരിയ രോഗലക്ഷണം ഉളള അഞ്ചു കൊവിഡ് രോഗ ബാധിതരെ സി.എഫ്.എൽ.ടി.സിയിലേക്ക് മാറ്റി. ജില്ലയിൽ ഏഴ് കോൺടാക്ടുകൾ നിരീക്ഷണത്തിൽ ഉണ്ട്. മറ്റ് സംസ്ഥാനങ്ങളിൽ നിന്നും തിരിച്ചെത്തിയ 3333 പേരും വിദേശത്തുനിന്നും തിരിച്ചെത്തിയ 539 പേരും നിലവിൽ നിരീക്ഷണത്തിലാണ്. വിദേശത്തുനിന്നും തിരിച്ചെത്തിയ 70 പേരും മറ്റ് സംസ്ഥാനങ്ങളിൽ നിന്നും ഇന്നലെ എത്തിയ 354 പേരും ഇതിൽ ഉൾപ്പെടുന്നു.
ആകെ 3879 പേർ നിരീക്ഷണത്തിലാണ്. ജില്ലയിൽ വിദേശത്തുനിന്നും, മറ്റ് സംസ്ഥാനങ്ങളിൽ നിന്നും തിരിച്ചെത്തുന്നവരെ താമസിപ്പിക്കുന്നതിന് ഇതുവരെ 98 കോവിഡ് കെയർ സെന്ററുകൾ സജ്ജീകരിച്ചിട്ടുണ്ട്. ഇവയിൽ നിലവിൽ ആകെ 1007 പേരെ താമസിപ്പിച്ചിട്ടുണ്ട്. ജില്ലയിൽ നിന്ന് ഇന്നലെ 211 സാമ്പിളുകൾ പരിശോധനയ്ക്ക് അയച്ചിട്ടുണ്ട്. ഇതുവരെ ജില്ലയിൽ നിന്നും 7525 സാമ്പിളുകൾ ആണ് പരിശോധനയ്ക്കായി അയച്ചിട്ടുളളത്.
ജില്ലയിൽ ഇന്നലെ 260 സാമ്പിളുകൾ നെഗറ്റീവായി റിപ്പോർട്ട് ചെയ്തു. ഇന്നലെ വരെ അയച്ച സാമ്പിളുകളിൽ 38 എണ്ണം പൊസിറ്റീവായും 6776 എണ്ണം നെഗറ്റീവായും റിപ്പോർട്ട് ലഭിച്ചിട്ടുണ്ട്. 532 സാമ്പിളുകളുടെ ഫലം ലഭിക്കാനുണ്ട്. ജില്ലാ മെഡിക്കൽ ഓഫീസറുടെ കൺട്രോൾ റൂമിൽ 42 കോളുകളും, ജില്ലാ ദുരന്തനിവാരണ വിഭാഗത്തിന്റെ കൺട്രോൾ റൂമിൽ 121 കോളുകളും ലഭിച്ചു.

ഇന്നലെ പോസിറ്റീവായവർ

1. മേയ് 15ന് മഹാരാഷ്ട്രയിൽ നിന്ന് എത്തിയ ഉളളന്നൂർ സ്വദേശിനിയായ 44 വയസുകാരി,

2. മേയ് 18ന് മഹാരാഷ്ട്രയിൽ നിന്ന് എത്തിയ ഏറത്ത് സ്വദേശിയായ 67 കാരൻ.

3.മേയ് 18ന് മഹാരാഷ്ട്രയിൽ നിന്ന് എത്തിയ ഏറത്ത് സ്വദേശിയായ 32 കാരൻ.

4. മേയ് 18ന് മഹാരാഷ്ട്രയിൽ നിന്ന് എത്തിയ വി.കോട്ടയം സ്വദേശിനിയായ 25 വയസുകാരി.

5. മേയ് 19 ന് സൗദിയിൽ നിന്ന് എത്തിയ പുല്ലാട് സ്വദേശിയായ 33 കാരൻ.

6. മേയ് 23 ന് മഹാരാഷ്ട്രയിൽ നിന്ന് എത്തിയ കൊടുമൺ അങ്ങാടിക്കൽ സ്വദേശിനിയായ 69 വയസുകാരി.