കൊല്ലം: വീട്ടിൽ ഉറങ്ങിക്കിടന്ന യുവതി പാമ്പ് കടിയേറ്റ് മരിച്ചു. അഞ്ചൽ ഏറം വെള്ളശ്ശേരി വീട്ടിൽ സൂരജിന്റെ ഭാര്യ ഉത്തരയാണ്(25) മരിച്ചത്. വീട്ടിൽ കട്ടിലിൽ ഉറങ്ങിക്കിടക്കുന്നതിനിടെയാണ് ഉത്തരയ്ക്ക് പാമ്പ് കടിയേറ്റത്.

വിളിച്ചിട്ടും ഉണരാതായതോടെ വീട്ടുകാർ അഞ്ചലിലെ സ്വകാര്യ ആശുപത്രിയിൽ എത്തിച്ചു. പരിശോധനയിലാണ് പാമ്പ് കടിച്ചതായ വിവരം അറിഞ്ഞത്. അപ്പോഴേക്കും മരിച്ചിരുന്നു. തുടർന്ന് വീട്ടിൽ പരിശോധിച്ച പ്പോഴാണ് മുറിക്കുള്ളിൽ മൂർഖൻ പാമ്പിനെ കണ്ടെത്തിയത്. പാമ്പിനെ അടിച്ച് കൊന്നു. കഴിഞ്ഞ മാസം അടൂരിൽ ഭർത്താവിന്റെ വീട്ടിൽ വെച്ചും പാമ്പ് കടിയേറ്റ ഉത്തര ചികിത്സക്ക് ശേഷം സ്വന്തം വീട്ടിൽ ചികിത്സ തുടരവെയാണ് വീണ്ടും പാമ്പ് കടിച്ചത്. രാത്രിയിൽ തുറന്നിട്ടിരുന്ന ജനലിലൂടെയാകാം പാമ്പ് അകത്ത് കടന്നതെന്നാണ് നിഗമനം.വിശ്വനാഥൻ-വിജയലക്ഷ്മി ദമ്പതികളുടെ മകളാണ് ഉത്തര. ധ്രുവ് ഏക മകനാണ്.