ആവശ്യങ്ങളാണ് എല്ലാ കണ്ടുപിടിത്തങ്ങളുടെയും മാതാവ് എന്ന പഴഞ്ചൊല്ലിന് അടുത്തകാലത്തായി പ്രസക്തിയേറുകയാണ്. ഈ പഴഞ്ചൊല്ല് അന്വർത്ഥമാക്കുന്ന ഒരുകാഴ്ചയെക്കുറിച്ചാണ് പറഞ്ഞുവരുന്നത്. കൊവിഡിന്റെ പശ്ചാത്തലത്തിൽ പല രാജ്യങ്ങളും ലോക്ക് ഡൗൺ പ്രഖ്യാപിച്ചിരിക്കുകയാണ്. സാമൂഹിക അകലം പാലിക്കാൻ വേണ്ടിയാണ് ഇത്തരത്തിൽ ലോക്ക് ഡൗൺ പ്രഖ്യാപിച്ചിരിക്കുന്നത്.
ഈ അവസ്ഥയിൽ അവശ്യ സാധനങ്ങൾക്കായി എന്ത് ചെയ്യും എന്നതും ആളുകളെ ചിന്തിപ്പിച്ച കാര്യമാണ്. അങ്ങനെ സാമൂഹിക അകലം പാലിക്കാൻ പലരും പല കണ്ടുപിടിത്തങ്ങളും നടത്തി. അത്തരത്തിൽ ഒരു പാൽവിൽപ്പനക്കാരന്റെ ബുദ്ധിയെയാണ് ഇപ്പോൾ സോഷ്യൽ മീഡിയ വൈറലാക്കിയിരിക്കുന്നത്.
പാൽ വിതരണം ചെയ്യുന്നതിനായി തന്റെ ബൈക്കിൽ ഒരു ഫണലും പൈപ്പും ഘടിപ്പിച്ചാണ് പാൽക്കാരൻ വ്യത്യസ്തനായത്. ഐ.എ.എസ് ഉദ്യോഗസ്ഥനായ നിതിൻ സാങ്‌വാനാണ് പാൽക്കാരന്റെ ചിത്രം ട്വീറ്റ് ചെയ്തിരിക്കുന്നത്. തങ്ങളെയും മറ്റുള്ളവരെയും സുരക്ഷിതരാക്കികൊണ്ട് ചില ആളുകൾ സഞ്ചരിക്കുന്നത് കാണുമ്പോൾ സന്തോഷം തോന്നുന്നു.കഴിയുന്നതും വീട്ടിൽ തന്നെ ഇരിക്കുക. മാസ്ക് ധരിക്കുക,സാമൂഹിക അകലം പാലിക്കുക എന്നിങ്ങനെയുള്ള നിസാരമായ അടിസ്ഥാന കാര്യങ്ങളെങ്കിലും പാലിക്കുക എന്ന അടിക്കുറിപ്പോടെയാണ് നിതിൻ സാങ്‌വാൻ ചിത്രം ട്വിറ്ററിൽ പങ്കുവച്ചിരിക്കുന്നത്. സോഷ്യൽ ഡിസ്റ്റൻസിന്റെ വലിയ പാഠമാണ് പാൽക്കാരൻ നൽകുന്നത് എന്നാണ് ആളുകൾ പറയുന്നത്.
Good to see that some people go extra mile to keep themselves and others safe.
— Nitin Sangwan, IAS (@nitinsangwan) May 7, 2020
Let's do basic minimum things of staying at home, wearing mask and keeping social distance even if we cannot go an extra mile like this innovative milkman. pic.twitter.com/RrjYVtdaKW