കൊ​ട്ടാ​ര​ക്ക​ര: ഇ​ന്ന​ലെ വൈ​കി​ട്ട് 4 മ​ണി​യോ​ടെ പെയ്ത ശ​ക്ത​മാ​യ മ​ഴ​യിൽ വാ​ള​കം ജം​ഗ്​ഷൻ വെ​ള്ള​ക്കെ​ട്ടാ​യി മാ​റിയതോടെ കാൽ​ന​ട​യാ​ത്ര​ക്കാ​രും ഇ​രു​ച​ക്ര​വാ​ഹ​ന​ങ്ങ​ളും ബു​ദ്ധി​മു​ട്ടിലായി. വാ​ള​കം എം.എൽ.എ ജം​ഗ്​ഷ​നും പ​രി​സ​ര​വു​മാ​ണ് വെ​ള്ള​ക്കെ​ട്ടി​ലാ​യ​ത്. ജം​ഗ്​ഷ​നി​ലെ അ​ശാ​സ്​ത്രീ​യ ഓ​ട നിർ​മ്മാ​ണ​മാ​ണ് വെ​ള്ള​ക്കെ​ട്ടി​നു കാ​ര​ണ​മെ​ന്ന് ജം​ഗ്​ഷ​നി​ലെ വ്യാ​പ​രി​കൾ പ​റ​യു​ന്നു. ശ​ക്ത​മാ​യ മ​ഴ​യിൽ വാ​ള​കം അ​മൃ​ത ഇ​ല​ക്ട്രി​ക്കൽ​സ് , ന​വ​മി കു​ല​ക്ക​ട എ​ന്നി​വി​ട​ങ്ങ​ളിൽ വെ​ള്ളം ക​യ​റി. റോ​ഡു നി​ര​പ്പിൽ നി​ന്ന് ഉ​യർ​ന്നാ​ണ് ഓ​ട നി​ല​കൊ​ള്ളു​ന്ന​ത്. ഇ​തു​മൂ​ലം മ​ഴ​വെ​ള്ളം ഓ​ട​യിൽ ഒ​ലി​ച്ചി​റ​ങ്ങാ​തെ റോ​ഡി​ലൂ​ടെ പ​ര​ന്നൊ​ഴു​കു​ക​യാ​ണ്. പൊ​തു​ഗ​താ​ഗ​തം പു​ന​സ്ഥാ​പി​ക്കു​ന്ന​തി​നു മു​മ്പ് ഈ വെ​ള്ള​ക്കെ​ട്ടി​നു പ​രി​ഹാ​ര​മു​ണ്ടാ​ക​ണ​മെ​ന്ന് നാ​ട്ടു​കാ​രു വ്യാ​പാ​രി​ക​ളും ആ​വ​ശ്യ​പ്പെ​ട്ടു. ഇ​തു സം​ബ​ന്ധി​ച്ച് കോൺ​ഗ്ര​സ് ബ്ലോ​ക്ക് ജ​ന​റൽ സെ​ക്ര​ട്ട​റി കെ.എം. റെ​ജി ബ​ന്ധ​പ്പ​ട്ട​ അധികൃതർക്ക് നി​വേ​ദ​നം നൽ​കി.