 തുടർച്ചയായ നാലാം വർഷവും 25 ലക്ഷം രൂപ കൈമാറി

കൊ​ല്ലം​: ​കൊ​വി​ഡ് മ​ഹാ​മാ​രി​യിൽ ​ലോ​കം വി​റ​ങ്ങ​ലി​ച്ച് നിൽ​ക്കു​മ്പോ​ഴും ലു​ലു ഗ്രൂ​പ്പ് ചെ​യർ​മാൻ എം.എ. യൂ​സ​ഫ​ലി മു​ണ്ട​യ്​ക്ക​ലെ ക്വ​യി​ലോൺ പൂ​വർ​ഹോ​മി​ലെ നി​രാ​ലം​ബ​രാ​യ അ​ന്തേ​വാ​സി​ക​ളെ മ​റ​ന്നി​ല്ല. തു​ടർ​ച്ച​യാ​യ നാ​ലാം വർ​ഷ​വും 25 ല​ക്ഷം രൂ​പ അഗതിമന്ദിരത്തിന് സം​ഭാ​വ​ന നൽ​കി ദുരിതകാലത്തും അദ്ദേഹം മാതൃകയായി. ഒരു കോടി രൂപയാണ് ഇതുവരെ ക്വയിലോൺ പുവർഹോമിന് സംഭാവനയായി നൽകിയത്.

2017ലാണ് ക്വ​യി​ലോൺ പു​വർ​ഹോ​മി​ന്റെ ദു​ര​വ​സ്ഥ മാദ്ധ്യ​മ​ങ്ങ​ളി​ലൂ​ടെ ശ്ര​ദ്ധ​യിൽപ്പെട്ട​ യൂസഫലി അ​ന്തേ​വാ​സി​ക​ളു​ടെ താ​മ​സസൗ​ക​ര്യ​വും ഭ​ക്ഷ​ണ​വും മെച്ച​പ്പെ​ടു​ത്തു​ന്ന​തി​നായി 25 ല​ക്ഷം രൂ​പയുടെ ആദ്യ ധ​ന​സ​ഹാ​യം എത്തിച്ചത്. അ​ടു​ത്ത വർ​ഷ​ങ്ങ​ളി​ലും ഇ​ത് തു​ടർ​ന്നു. ഈ തു​ക വിനിയോഗിച്ച് അഗതിമന്ദിരത്തിൽ ശു​ചി​മു​റി​കൾ, കിടക്ക​കൾ, ചി​കി​ത്സാ മു​റി​കൾ തു​ട​ങ്ങി​യ മി​ക​ച്ച അ​ടി​സ്ഥാ​ന സൗ​ക​ര്യ​ങ്ങൾ ഒരുക്കിയിരുന്നു. നി​ല​വിൽ 63 പു​രു​ഷൻ​മാ​രും 52 സ്​ത്രീ​ക​ളുമാണ് ഇവിടെ അ​ന്തേ​വാ​സി​ക​ളാ​യു​ള്ളത്.

ലു​ലു റീ​ജിയണൽ ഡ​യ​റ​ക്ടർ​ ജോ​യ് സ​ദാ​ന​ന്ദൻ, ലുലു ഗ്രൂപ്പ് മീ​ഡി​യാ ​കോ​ ഓർ​ഡി​നേ​റ്റർ എൻ.ബി. സ്വ​രാ​ജ് എ​ന്നി​വർ​ ചേർ​ന്ന് പുവർഹോം അധികൃതർക്ക് തു​ക കൈ​മാ​റി. കൂടാതെ അന്തേവാസികൾക്ക് ആവശ്യമായ മാസ്കുകളും നൽകി. ച​ട​ങ്ങിൽ കൊ​ല്ലം​മേ​യർ ഹ​ണി ബെ​ഞ്ച​മിൻ, ക്വ​യി​ലോൺ പൂ​വർ​ഹോം സെ​ക്ര​ട്ട​റി​ഡോ. ഡി ശ്രീ​കു​മാർ എ​ന്നി​വ​രും സം​ബ​ന്ധി​ച്ചു.