കൊ​ല്ലം: എ​സ്.എൻ.ഡി.പി യോ​ഗത്തിന്റെ 117-ാമത് സ്ഥാ​പ​ക​ ദിനം വിവിധ യൂണിയനുകളുടെ ആഭിമുഖ്യത്തിൽ ഐക്യദീപം തെളിച്ച് ആചരിച്ചു. യോഗം ജന. സെക്രട്ടറി വെള്ളാപ്പള്ളി നടേശന്റെ ആഹ്വാന പ്രകാരം ശുചിത്വ ബോധവത്കരണ ദിനമായാണ് യൂണിയനുകളിലും ശാഖകളിലും ദിനാചരണം നടന്നത്. യൂണിയൻ ഓഫീസ് അങ്കണത്തിൽ ഭാരവാഹികൾ യോഗം നിലവിൽ വന്ന 117 വർഷത്തെ പ്രതിനിധാനം ചെയ്ത് 117 ചെരാതുകൾ തെളിച്ചു.

 കൊല്ലം യൂണിയനിൽ

കൊ​ല്ലം യൂ​ണി​യൻ ഓ​ഫീ​സ് അ​ങ്ക​ണ​ത്തിൽ വൈ​കി​ട്ട് 6ന് നടന്ന ചടങ്ങിൽ പ്രസിഡന്റ് മോഹൻ ശങ്കർ ഐക്യദീപം തെളിച്ച് ദിനാചരണം ഉദ്ഘാടനം ചെയ്തു. ലോ​ക്ക് ഡൗൺ നിബന്ധനകൾ പാലിച്ച് അ​ഞ്ച് പേ​രിൽ ഒ​തു​ങ്ങു​ന്ന​താ​യി​രു​ന്നു പ​രി​പാ​ടി. സെ​ക്ര​ട്ട​റി എൻ. രാ​ജേ​ന്ദ്രൻ, യോ​ഗം കൗൺ​സി​ലർ പി. സു​ന്ദ​രൻ, യൂ​ണി​യൻ വൈ​സ് പ്ര​സി​ഡന്റ് അ​ഡ്വ. കെ. രാ​ജീ​വ് കു​ഞ്ഞു​കൃ​ഷ്​ണൻ, യോ​ഗം ബോർ​ഡ് മെ​മ്പർ ആ​നേ​പ്പിൽ എ.ഡി. ര​മേശ് എ​ന്നി​വർ പങ്കെടുത്തു. യൂ​ണി​യ​ന് കീഴിലെ എ​ല്ലാ ശാ​ഖാ ഓ​ഫീ​സു​ക​ളി​ലും ഐ​ക്യ​ദീ​പം തെ​ളിഞ്ഞു.

 ചാത്തന്നൂർ യൂണിയനിൽ

ചാത്തന്നൂർ യൂണിയനിലെ ഐക്യദീപം തെളിക്കൽ യൂണിയൻ പ്രസിഡന്റ് ബി.ബി. ഗോപകുമാർ ആദ്യദീപം തെളിച്ച് ഉദ്ഘാടനം ചെയ്തു. യൂണിയൻ വൈസ് പ്രസിഡന്റ് ഡി. സജീവ്, സെക്രട്ടറി കെ. വിജയകുമാർ, അസി. സെക്രട്ടറി എൻ. നടരാജൻ, ഭാരവാഹികളായ അനിൽകുമാർ, അജയകുമാർ തുടങ്ങിയവർ നേതൃത്വം നൽകി. യൂണിയന് കീഴിലുള്ള ശാഖാ ഓഫീസുകളിലും ഭവനങ്ങളിലും ഐക്യദീപം തെളിഞ്ഞു.

 കുണ്ടറ യൂണിയനിൽ

കുണ്ടറ യൂണിയനിൽ പ്രസിഡന്റ് ഡോ. ജി. ജയദേവൻ ഭദ്രദീപം തെളിച്ച് ഉദ്ഘാടനം നിർവഹിച്ചു. സെക്രട്ടറി അഡ്വ. നീരാവിൽ എസ്. അനിൽകുമാർ, വൈസ് പ്രസിഡന്റ് മൺറോത്തുരുത് ഭാസി, പഞ്ചായത്ത് കമ്മിറ്റി അംഗങ്ങളായ സിബു വൈഷ്ണവ്, സജീവ്, കൗൺസിലർമാരായ അനിൽകുമാർ, വിശ്വ പ്രതാപ്, ഹനിഷ്, പ്രിൻസ് സത്യൻ, ഷൈബു തുടങ്ങിയവർ പങ്കെടുത്തു. യൂണിയന് കിഴിലുള്ള 44 ശാഖകളിലും ഐക്യദീപം തെളിഞ്ഞു.