സ്വന്തം പിതാവ് അഭിനയിച്ച് പാടുന്ന പ്രണയ ഗാനത്തിന് തബല വായിച്ച് താളം ഇട്ടു കൊടുത്ത് അഭിനയിക്കാനുള്ള ഭാഗ്യം ലോകസിനിമയില്‍ തന്നെ ഒരു താരപുത്രനും ഉണ്ടായിക്കാണില്ല. എന്നാല്‍ തനിക്ക് അങ്ങനെയൊരു ഭാഗ്യമുണ്ടായെന്ന് പറയുകയാണ് നടന്‍ ഷമ്മി തിലകന്‍. ലോക്ക് ഡൗണിൽ സോഷ്യൽ മീഡിയയിൽ ഷമ്മി തുടങ്ങിയ കുത്തിപ്പൊക്കല്‍ പരമ്പരയിലാണ് അച്ഛനുമായുള്ള സിനിമയുടെ ഓര്‍മ താരം പങ്കുവച്ചത്. ആന്റണി ഈസ്റ്റ്മാന്‍ സംവിധാനം ചെയ്ത ഐസ്ക്രീം എന്ന സിനിമയിലായിരുന്നു സംഭവം. ഭരത് ഗോപി എന്ന അതുല്യ പ്രതിഭയെ അടുത്ത് അറിയുന്നതിനും കൂടിയാണ് അച്ഛനോടൊപ്പം ഷമ്മി ഷൂട്ടിംഗ് ലൊക്കേഷനില്‍ പോയത്. എന്നാല്‍ തബലിസ്റ്റായി അഭിനയിക്കേണ്ട ആള്‍ വരാതിരുന്നതോടെ അച്ഛനും ഗോപി ചേട്ടനും തന്നെക്കൊണ്ട് ആ റോള്‍ ചെയ്യിക്കുകയായിരുന്നു എന്നാണ് ഷമ്മി പറയുന്നത്.
ഷമ്മി തിലകന്റെ കുറിപ്പ്:
#കുത്തിപ്പൊക്കല്‍_പരമ്പര.
ഭരത് ഗോപി ചേട്ടനും, എന്റെ പിതാവും നായകന്മാരായും..; ലിസി, ജയരേഖ, എന്നിവര്‍ നായികമാരായും..; മമ്മൂക്ക അതിഥി താരമായും അഭിനയിച്ച്..; ആന്റണി ഈസ്റ്റ്മാന്‍ സംവിധാനം ചെയ്ത്, 1986-ല്‍ റിലീസ് ചെയ്ത #ഐസ്ക്രീം എന്ന സിനിമയിലെ ഒരു യുഗ്മഗാനം..!
#പ്രേമമെന്നാലെന്ത്..?
#അതിന്‍_ദാഹമെന്നാലെന്ത്..?
#ആരോമലാളല്ലേ_ചൊല്ലാമോ..?
#ഒരു_തൂവലാലുള്ളം_തലോടാമോ..?
പുലിയൂര്‍ സരോജ നൃത്തസംവിധാനം നിര്‍വ്വഹിച്ച ഈ ഗാനരംഗത്തില്‍, സൂക്ഷിച്ചു നോക്കിയാല്‍ എന്നേയും കാണാം..!
ഗോപിയേട്ടന്റേയും, അച്ഛന്റേയും പാട്ടിന് താളം ഇടുന്ന തബലിസ്റ്റ് മറ്റാരുമല്ല..; ഈ ഞാൻ തന്നെയാണ്..!!😎
കെ.ജി.ജോർജ്ജ് സാറിന്റെ കീഴിൽ സിനിമയിലും..; അച്ഛന്റെ കീഴിൽ നാടകത്തിലും സഹസംവിധായകനായി അന്ന് പ്രവർത്തിച്ച് വന്നിരുന്ന ഞാൻ..; പുലിയൂർ സരോജയുടെ നൃത്ത സംവിധാനം കണ്ട് മനസ്സിലാക്കുന്നതിനും..; ഭരത് ഗോപി എന്ന അതുല്യ പ്രതിഭയെ അടുത്ത് അറിയുന്നതിനും വേണ്ടിയാണ് അച്ഛനോടൊപ്പം ഷൂട്ടിംഗ് ലൊക്കേഷനിൽ (ബോൾഗാട്ടി പാലസ്) പോയത്..!
ഗാനരംഗത്തിൽ അഭിനയിക്കേണ്ടിയിരുന്ന തബലിസ്റ്റ് വരാതിരുന്നതിനാൽ ഷൂട്ടിംഗ് മുടങ്ങും എന്ന സാഹചര്യത്തിൽ..; അച്ഛനും, ഗോപിയേട്ടനും കൂടി എന്നെ പിടിച്ചു തബലിസ്റ്റിന്റെ വേഷം കെട്ടിച്ചു..!
സ്വന്തം പിതാവ് അഭിനയിച്ച് പാടുന്ന പ്രണയ ഗാനത്തിന്..; തബല വായിച്ച് താളം ഇട്ടു കൊടുത്ത് അഭിനയിക്കാനുള്ള ഭാഗ്യം ലോകസിനിമയിൽ തന്നെ ഒരു താരപുത്രനും അന്നും ഇന്നും സാധിച്ചിട്ടില്ല എന്നത് ചരിത്രം..!😜😜
ഇന്നായിരുന്നെങ്കിൽ ഇങ്ങനെ ട്രോൾ വന്നേനെ..!
സ്വന്തം പിതാവ് അഭിനയിച്ച് പാടുന്ന പ്രണയ ഗാനത്തിന്..; തബല വായിച്ച് താളം ഇട്ടു കൊടുത്ത് അഭിനയിക്കാൻ പറ്റുമോ സക്കീർ ഭായീ നിങ്ങൾക്ക്..!?പറ്റില്ല ഭായീ..! ബട്ട് ഐ ക്യാൻ......