കൊ​ല്ലം: നി​രീ​ക്ഷ​ണ​ത്തിൽ ക​ഴി​യു​ന്ന ഇ​ര​വി​പു​രം നിയോജക മ​ണ്ഡ​ല​ത്തി​ലെ പ്ര​വാ​സി​കൾ​ക്ക് അ​വ​രു​ടെ പ്ര​ശ്‌​ന​ങ്ങൾ പ​റ​യാ​നും സ​ഹാ​യം ല​ഭി​ക്കാ​നും എം. നൗഷാദ് എം.എൽ.എയുടെ ഹലോ എം.എൽ.എ പരിപാടി തുടങ്ങി. ഫി​ഷ​റീ​സ് വ​കു​പ്പ് മ​ന്ത്രി ജെ. മേ​ഴ്‌​സി​ക്കു​ട്ടി​അ​മ്മ​യു​ടെ സാ​ന്നി​ദ്ധ്യ​ത്തിൽ ഇ​ന്ന​ലെ എം.എൽ.എ ഓ​ഫീ​സി​ലാ​ണ് പരിപാടികൾക്ക് തുടക്കമായത്.

ഫോണിൽ വിളിച്ച രണ്ട് പ്രവാസികളോട് സംസാരിച്ചത് മന്ത്രിയാണ്. ഒ​രാൾ സൗ​ക​ര്യ​ങ്ങ​ളിൽ സ​ന്തു​ഷ്​ടി അ​റി​യി​ക്കാ​നാ​ണ് വി​ളി​ച്ച​ത്. ര​ണ്ടാ​മ​ത് വി​ളി​ച്ച ബംഗളുരുവിൽ നി​ന്നെ​ത്തി​യ വ​നി​ത ചാ​യ കി​ട്ടാൻ എ​ന്താ​ണ് മാർ​ഗം എ​ന്നാ​ണ് അ​ന്വേ​ഷി​ച്ച​ത്. ഫേ​സ്​ബു​ക്കിൽ നി​ന്ന് വി​വ​ര​മ​റി​ഞ്ഞാ​ണ് എം.എൽ.എ​യെ വി​ളി​ച്ച​തത്രേ. ഫോ​ണെ​ടു​ത്ത​ത് മ​ന്ത്രി​യാ​ണെ​ന്ന​റി​ഞ്ഞ​പ്പോൾ അ​ത്ഭു​ത​വും സ​ന്തോ​ഷ​വും. ചാ​യ എ​ത്തി​ക്കാൻ ന​ട​പ​ടി​യെ​ടു​ക്കു​മെ​ന്ന് മ​ന്ത്രി എം.എൽ.എയ്​ക്ക് വേ​ണ്ടി മ​റു​പ​ടി നൽ​കി. 8281345097, 8281436097, 8281437097 എ​ന്നീ ന​മ്പ​രു​ക​ളിൽ എം.എൽ.എ ഓ​ഫീ​സി​ലേ​ക്ക് വി​ളി​ക്കാം. ഫോൺ വ​രു​മ്പോൾ വി​വ​രം രേ​ഖ​പ്പെ​ടു​ത്തി പ​രാ​തി പ​രി​ഹ​രി​ക്കാ​നും ആ​വ​ശ്യ​ങ്ങൾ നിർ​വ​ഹി​ക്കാ​നും ന​ട​പ​ടി​യെ​ടു​ക്കു​മെ​ന്ന് എം.എൽ.എ പ​റ​ഞ്ഞു.