കൊല്ലം: കേ​ന്ദ്ര സർക്കാർ പ്ര​ഖ്യാ​പി​ച്ച ആ​ത്മ നിർ​ഭൻ ഭാ​ര​ത് അ​ഭി​യാ​നിൽ സൂ​ക്ഷ്​മ ചെ​റു​കി​ട ഇ​ട​ത്ത​രം സം​രം​ഭ​ങ്ങൾ​ക്കാ​യി പ്ര​ഖ്യാ​പി​ച്ച ര​ണ്ട് ല​ക്ഷ​ത്തി എ​ഴു​പ​തി​നാ​യി​രം കോ​ടി രൂ​പ​യു​ടെ വാ​യ്​പാ പ​ദ്ധ​തി​യിൽ ക​ശു​അണ്ടി വ്യ​വ​സാ​യ പു​ന​രു​ദ്ധാ​ര​ണ​ത്തി​ന് പ്ര​ത്യേ​ക പ​രി​ഗ​ണ​ന നൽ​ക​ണ​മെ​ന്നാവശ്യപ്പെട്ട് എൻ.​കെ. പ്രേ​മ​ച​ന്ദ്രൻ എം.പി കേ​ന്ദ്ര ധ​ന​കാ​ര്യ മ​ന്ത്രി നിർ​മ്മ​ല സീ​താ​രാ​മൻ, സ​ഹ​മ​ന്ത്രി അ​നു​രാ​ഗ് സിം​ഗ് താ​ക്കൂർ, വാ​ണി​ജ്യ​കാ​ര്യ മ​ന്ത്രി പീ​യൂഷ് ഗോ​യൽ എ​ന്നി​വർ​ക്ക് നി​വേ​ദ​നം നൽ​കി.

ഏ​റ്റ​വും കൂ​ടു​തൽ തൊ​ഴി​ല​വ​സ​ര​ങ്ങൾ പ്ര​ദാ​നം ചെ​യ്യാൻ ക​ഴി​യു​ന്ന പ​ര​മ്പ​രാ​ഗ​ത വ്യ​വ​സാ​യ മേ​ഖ​ല ഗു​രു​ത​ര പ്ര​തി​സ​ന്ധി​യാ​ണ് നേ​രി​ടു​ന്ന​ത്. എം.​എ​സ്.​എം.ഇ വാ​യ്​പാ പ​ദ്ധ​തി​യിൽ പീ​ഡി​ത ക​ട​ങ്ങളു​ള്ള സം​രം​ഭ​ങ്ങൾ​ക്ക് ല​ഭ്യ​മാ​ക്കു​മെ​ന്ന് പ്ര​ഖ്യാ​പി​ച്ച 20,000 കോ​ടി രൂ​പ​യു​ടെ വാ​യ്​പാ പ​ദ്ധ​തി 2014 ജ​നു​വ​രി 1 മു​തൽ എൻ.​പി.എ ആ​യി​ട്ടു​ള്ള മു​ഴു​വൻ ക​മ്പ​നി​കൾ​ക്കും ബാ​ധ​ക​മാ​ക്ക​ണ​മെ​ന്നും നി​വേ​ദ​ന​ത്തിൽ ആ​വ​ശ്യ​പ്പെ​ട്ടു. 25 കോ​ടി രൂ​പ​യു​ടെ ബാ​ദ്ധ്യ​താ പ​രി​ധി ക​ണ​ക്കാ​ക്കു​ന്ന​ത് വാ​യ്​പയെ​ടു​ത്ത അ​സൽ മു​ത​ലി​ന്റെ അ​ടി​സ്ഥാ​ന​ത്തി​ലാ​യി​രി​ക്ക​ണം.

ഇ​തു​സം​ബ​ന്ധി​ച്ച് കേ​ന്ദ്ര സർക്കാർ പു​റ​പ്പെ​ടു​വി​ക്കു​ന്ന മാർ​ഗ​നിർ​ദ്ദേ​ശ​ങ്ങ​ളിൽ മേൽ​പ​റ​ഞ്ഞ വ്യ​വ​സ്ഥ​കൾ ഉൾ​പ്പെ​ടു​ത്തി ത​കർ​ന്ന​ടി​ഞ്ഞ ക​ശു​അ​ണ്ടി വ്യവസായത്തെ പു​ന​രു​ദ്ധ​രി​ക്കാൻ ന​ട​പ​ടി സ്വീ​ക​രി​ക്ക​ണം. കേ​ന്ദ്ര നിർ​ദ്ദേ​ശ​ങ്ങൾ ഫ​ല​പ്ര​ദ​മാ​യി ന​ട​പ്പാ​ക്കാൻ ബാ​ങ്കു​കൾ​ക്ക് കർ​ശ​ന നിർ​ദ്ദേ​ശം നൽ​ക​ണം. ഇ​തി​നാ​യി പാർ​ല​മെന്റം​ഗം ഉൾ​പ്പെ​ടെ ജ​ന​പ്ര​തി​നി​ധി​ക​ളു​ടെ പ​ങ്കാ​ളി​ത്തം ഉ​ള്ള പ്ര​ത്യേ​ക മോ​ണി​റ്റ​റിം​ഗ് സ​മി​തി രൂ​പീ​ക​രി​ക്ക​ണ​മെ​ന്നും എം.പി ആ​വ​ശ്യ​പ്പെ​ട്ടു.