 തൂക്കം 61.5 കിലോഗ്രാം

കുണ്ടറ: ഗിന്നസിൽ നോട്ടമിട്ട് നട്ടുവളർത്തിയ ശതാവരിച്ചെടിയിൽ വിളഞ്ഞത് 61.5 കിലോ ഗ്രാം കിഴങ്ങ്. കുണ്ടറ കാഞ്ഞിരകോട് കുതിരപ്പന്തിയിൽ പ്രദീപിന്റെ കൃഷിയിടത്തിലാണ് ഇത്രയും തൂക്കമുള്ള ശതാവരിക്കിഴങ്ങ് കിട്ടിയത്. സാധാരണ ഒരുചെടിയിൽ 10-12 കിലോഗ്രാമാണ്‌ ലഭിക്കുന്നത്. ആയുർവേദത്തിലെ ജീവന പഞ്ചമൂലങ്ങളിലുൾപ്പെട്ട ശതാവരിക്കിഴങ്ങ് നിരവധി ഔഷധങ്ങൾ നിർമ്മിക്കാൻ ഉപയോഗിക്കുന്നുണ്ട്.

രണ്ട് വർഷമാണ് ഇതിന്റെ കാലദൈർഘ്യം. ഒരുവർഷം തികയുമ്പോൾ മുതൽ കിഴങ്ങുകൾ ശേഖരിക്കാം. വീണ്ടും കിഴങ്ങുകൾ പൊട്ടി വളരും. ഒരു ചെടിയിൽനിന്ന് ഇത്രയധികം ഭാരമുള്ള കിഴങ്ങുകൾ ലഭിച്ചതായി കേട്ടുകേഴ്‌വി ഇല്ലെന്നാണ് പ്രദീപ് പറയുന്നത്. ഗിന്നസ് ബുക്ക് ഒഫ് റിക്കോർഡ്സ് പരിശോധിക്കുന്നുണ്ട്. പ്രവാസിയായ പ്രദീപിന് പറമ്പും പാടവുമായി അഞ്ചേക്കറോളം കൃഷിയിടമുണ്ട്. പച്ചക്കറികൃഷിയാണ് പ്രധാനം. പാടത്ത് നെൽകൃഷി നിലച്ചതോടെയാണ് പച്ചക്കറിയിലേക്ക് തിരിഞ്ഞത്. കൗതുകത്തിനാണ് ശതാവരി കൃഷി പരീക്ഷിച്ചത്.

''

രണ്ട് വർഷം ആകുമ്പോഴേക്കും 10 മുതൽ 12 കിലോ വരെ തൂക്കം വരും. ചെടി നട്ടിട്ട് ഒൻപത് വർഷമായി. വിളവെടുക്കാതിരുന്നതിനാലാണ് ഇത്രയും തൂക്കം വയ്ക്കാൻ കാരണം.

രതീഷ് കുമാർ

കൃഷി ഓഫീസർ, കുണ്ടറ