പ​ത്ത​നാ​പു​രം: ഇ​ട​ക്ക​ട​വ് പാ​ല​ത്തി​ൽ ​നി​ന്ന് ക​ല്ല​ട​യാ​റ്റി​ൽ ചാ​ടി​യ ഗൃ​ഹ​നാ​ഥ​ന്റെ മൃ​ത​ദേ​ഹം ക​ണ്ടെ​ത്തി. ചെ​ളി​ക്കു​ഴി ആ​ഷ് ഭ​വ​നിൽ മ​നോ​ഹ​ര​ന്റെ (57) മൃ​ത​ദേ​ഹ​മാ​ണ് ഇന്നലെ രാ​വി​ലെ പ​ത്ത​ര​യോ​ടെ ആ​റാ​ട്ടു​പു​ഴ പാ​ല​ത്തി​ന് സ​മീ​പം ക​ണ്ടെ​ത്തി​യ​ത്. ​വ്യാഴാഴ്ച രാ​വി​ലെ എ​ട്ട​ര​യോ​ടെ വീ​ട്ടിൽ​ നി​ന്നി​റ​ങ്ങി​യ മനോഹരനെ ക​ടു​വാ​ത്തോ​ട് ജം​ഗ്​ഷ​നിൽ ആ​ളു​കൾ ക​ണ്ടി​രു​ന്നു. തു​ടർ​ന്ന് ഇ​ട​ക്ക​ട​വ് പാ​ല​ത്തി​ന് സ​മീ​പ​ത്തേ​ക്ക് പോ​യ ഇ​യാൾ പാ​ല​ത്തിൽ​നി​ന്ന് ക​ല്ല​ട​യാ​റ്റി​ലേ​ക്ക് ചാ​ടു​ക​യാ​യി​രു​ന്നു​വെ​ന്ന് ദൃ​ക്‌​സാ​ക്ഷി​കൾ പ​റഞ്ഞതിന്റെ അടിസ്ഥാനത്തിൽ അ​ഗ്‌​നി​ശ​മ​ന സേ​ന​യു​ടെ​യും സ്​കൂ​ബാ ടീ​മി​ന്റെ​യും നേ​തൃ​ത്വ​ത്തിൽ പ​രി​ശോ​ധ​ന ന​ട​ത്തി​യി​രു​ന്നു. എ​ന്നാൽ മ​ഴ​യും ശ​ക്ത​മാ​യ അ​ടി​യൊ​ഴു​ക്കും ര​ക്ഷാ​പ്ര​വർ​ത്ത​ന​ങ്ങ​ളെ ബാ​ധി​ച്ചു. ഇ​ന്നലെ നാ​ട്ടു​കാ​രു​ടെ നേ​തൃ​ത്വ​ത്തിൽ വീണ്ടും തെ​ര​ച്ചിൽ ന​ട​ത്ത​വെ പ്ര​ദേ​ശ​വാ​സി​ക​ളി​ലൊ​രാ​ളാ​ണ് മൃ​ത​ദേ​ഹം ക​ണ്ടെ​ത്തി​യ​ത്. വി​വ​ര​മ​റി​ഞ്ഞ് പ​ത്ത​നാ​പു​രം പൊ​ലീ​സെത്തി മൃ​ത​ദേ​ഹം ക​ര​യ്‌​ക്കെ​ത്തി​ച്ചു. ഇൻ​ക്വ​സ്റ്റ് പൂർ​ത്തി​യാ​ക്കി മൃ​ത​ദേ​ഹം പോ​സ്റ്റ് മോർ​ട്ട​ത്തി​ന​യ​ച്ചു. അ​നി​ത​യാ​ണ് ഭാ​ര്യ. ആ​ഷ്‌​ലിൻ, അ​ന​ന്തു എ​ന്നി​വരാണ് മ​ക്കൾ.