സംശയം ഉണർത്തിയത്

1. ഉത്രയുടെ മരണം നടക്കുന്ന രാത്രി പതിവില്ലാതെ പലതവണ സൂരജ് കിടപ്പ് മുറിയിൽ നിന്ന് പുറത്തുവന്നു.

2. ഓരോതവണ പുറത്തുവരുമ്പോഴും തിരിച്ചു കയറുമ്പോഴും പരിഭ്രാന്തനായിരുന്നു. വളരെ വൈകിമാത്രം ഉറങ്ങാറുള്ള ഉത്രയുടെ മാതാപിതാക്കൾ ഇതു കാണുന്നുണ്ടായിരുന്നു.

3.മരണം നടന്ന് ദിവസങ്ങൾ കഴിഞ്ഞപ്പോൾ ഇനി സ്വത്തിന് കുഞ്ഞുമാത്രമാണല്ലോ അവകാശി (ഒന്നര വയസുളള ധ്രുവ് ) എന്ന് ഉത്രയുടെ വീട്ടുകാരോട് പറഞ്ഞു.

#ആദ്യതവണ ഉത്ര പാമ്പിനെ കണ്ടതിനാൽ പരാജയപ്പെട്ടു

#രണ്ടാംവട്ടം ചികിത്സ ലഭിച്ചതിനാൽ ദൗത്യം പരാജയം.

# മൂന്നാം ശ്രമത്തിൽ മരണം ഉറപ്പാക്കി

അഞ്ചൽ: ഭർതൃവസതിയിൽ വച്ചു പാമ്പുകടിയേറ്റ് അതീവ ഗുരുതരാവസ്ഥയിലായതിനുശേഷം രക്ഷപ്പെട്ട യുവതി ഒരു മാസത്തിനുശേഷം സ്വവസതിയിൽ പാമ്പുകടിയേറ്റ് മരിച്ച സംഭവം സമാനതകളില്ലാത്ത കൊലപാതകം.

അഞ്ചൽ ഏറം വെള്ളശ്ശേരി വീട്ടിൽ വിജയസേനൻ- മണിമേഖല ദമ്പതികളുടെ മകൾ ഉത്രയെ (25) കൊലപ്പെടുത്തിയെന്ന കുറ്റംചുമത്തി ഭർത്താവ് അടൂർ പറക്കോട് കാരയ്ക്കൽ ശ്രീസൂര്യയിൽ സൂരജ് (27), സഹായി ചാത്തന്നൂർ കല്ലുവാതുക്കൽ സ്വദേശി സുരേഷ് (പാമ്പ് സുരേഷ്-42) എന്നിവരെ ക്രൈംബ്രാഞ്ച് അറസ്റ്റ് ചെയ്തു. സുരേഷിൽ നിന്നാണ് സൂരജ് പാമ്പിനെ വാങ്ങിയത്.

ശനിയാഴ്ച വൈകിട്ട് സൂരജിനെ അടൂരിലെ വീടിന് സമീപത്തുനിന്ന് കസ്റ്റഡിയിലെടുത്ത് ചോദ്യം ചെയ്തപ്പോഴാണ് കൊലപാതകത്തിന്റെ ചുരുളഴിഞ്ഞത്.

സ്വന്തം വീട്ടിൽ സൂരജിനെ ഒറ്റയ്ക്കും ഉത്രയുടെ വീട്ടിൽ കൂട്ടുപ്രതി​ സുരേഷിനൊപ്പവും കൊണ്ടുവന്ന് തെളിവെടുത്തു.

അവിചാരിതമായി പാമ്പ് കടിയേറ്റ് സംഭവിച്ചതെന്ന് കരുതിയ മരണം ഉത്രയുടെ മാതാപിതാക്കളും ബന്ധുക്കളും അഞ്ചൽ പൊലീസിനും തുടർന്ന് റൂറൽ എസ്.പി ഹരിശങ്കറിനും നൽകിയ പരാതിയിലൂടെയാണ് വഴിതിരിഞ്ഞത്.

മേയ് 7ന് പുലർച്ചെയാണ് ഉത്രയെ അഞ്ചൽ ഏറത്തെ വീട്ടിലെ കിടപ്പുമുറിയിൽ അബോധാവസ്ഥയിൽ കണ്ടത്. സൂരജും മുറിയിലുണ്ടായിരുന്നു. അമ്മ മണിമേഖല ഏറെനേരം വിളിച്ചെങ്കിലും ഉത്ര ഉണർന്നില്ല. അഞ്ചലിലെ സ്വകാര്യ ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു. പാമ്പുകടിയേറ്റാണ് മരണമെന്നും മുറി പരിശോധിക്കണമെന്നും ഡോക്ടർമാർ നിർദ്ദേശിച്ചു. തുടർന്ന് കട്ടിലിനടിയിൽ കണ്ടെത്തിയ പാമ്പിനെ തല്ലിക്കൊന്നു.

സൂരജിന്റെ പെരുമാറ്റത്തിൽ കണ്ട അസ്വാഭാവികതയാണ് ഉത്രയുടെ വീട്ടുകാരിൽ സംശയം ജനിപ്പിച്ചത്.

മാർച്ച് 2ന് രാത്രി 8 മണിയോടെ സൂരജിന്റെ വീട്ടിൽ വച്ചാണ് ആദ്യം അണലിയുടെ കടിയേറ്റത്. അന്ന് വളരെ വൈകിയാണ് ആശുപത്രിയിൽ എത്തിച്ചത്. തിരുവല്ല പുഷ്പഗിരി മെഡിക്കൽ കോളേജിൽ 52 ദിവസം ചികിത്സയിലായിരുന്നു. ഭേദമായപ്പോൾ മാതാപിതാക്കൾ ഉത്രയെ ഏറത്തെ വീട്ടിലേക്ക് കൊണ്ടുവന്നു. മേയ് 6ന് അവിടെ എത്തിയ സൂരജ് അന്നവിടെ തങ്ങി. അന്ന് രാത്രിയിലാണ് വീണ്ടും പാമ്പുകടിയേൽക്കുന്നത്. എ.സി മുറിയുടെ തുറന്നിട്ട ജനാലയിലൂടെയാകാം പാമ്പ് കയറിയതെന്ന് സൂരജ് വീട്ടുകാരോട് പറഞ്ഞു.

റൂറൽ എസ്.പി ഹരിശങ്കറിന് ലഭിച്ച പരാതിയിൽ ക്രൈംബ്രാഞ്ച് ഡിവൈ.എസ്.പി എ. അശോകന്റെ നേതൃത്വത്തിലായിരുന്നു അന്വേഷണം.

ഉ​ത്ര​യു​ടെ​ ​വീ​ട്ടിൽ
സൂ​ര​ജു​മാ​യി​ ​തെ​ളി​വെ​ടു​പ്പ്

കൊ​ല്ലം​:​ ​സൂ​ര​ജി​നെ​ ​അ​ഞ്ച​ൽ​ ​ഏ​റ​ത്തെ​ ​ഭാ​ര്യാ​ ​ഗൃ​ഹ​ത്തി​ലെ​ത്തി​ച്ച് ​തെ​ളി​വെ​ടു​പ്പ് ​ന​ട​ത്തി.​ ​ഇ​ന്ന​ലെ​ ​രാ​വി​ലെ​ ​ആ​റ​ര​യോ​ടെ​ ​വ​ള​രെ​ ​ര​ഹ​സ്യ​മാ​യാ​ണ് ​കൊ​ണ്ടു​വ​ന്ന​ത്.​ ​ക്രൈം​ബ്രാ​ഞ്ച് ​ഡി​വൈ.​എ​സ്.​പി​ ​എ.​ ​അ​ശോ​ക​ന്റെ​ ​നേ​തൃ​ത്വ​ത്തി​ലാ​യി​രു​ന്നു​ ​തെ​ളി​വെ​ടു​പ്പ്.​ ​മ​ക​ളു​ടെ​ ​കൊ​ല​യാ​ളി​യെ​ ​വീ​ട്ടി​ൽ​ ​ക​യ​റ്റി​ല്ലെ​ന്ന് ​ഉ​ത്ര​യു​ടെ​ ​മാ​താ​വ് ​മ​ണി​മേ​ഖ​ല​ ​അ​ല​റി​ ​പ​റ​യു​ന്നു​ണ്ടാ​യി​രു​ന്നു.​ ​താ​ൻ​ ​ആ​രേ​യും​ ​കൊ​ന്നി​ട്ടി​ല്ലെ​ന്നും​ ​നി​ര​പ​രാ​ധി​യാ​ണെ​ന്നും​ ​സൂ​ര​ജും​ ​വി​ളി​ച്ചു​ ​പ​റ​ഞ്ഞു​ .​ ​പാ​മ്പി​നെ​ ​കൊ​ണ്ടു​വ​ന്ന​ ​പ്ലാ​സ്റ്റി​ക് ​കു​പ്പി​ ​വീ​ടി​ന് ​സ​മീ​പ​ത്തു​ള്ള​ ​പ​ഴ​യ​ ​വീ​ട്ടി​ൽ​ ​നി​ന്ന് ​പൊ​ലീ​സ് ​ക​ണ്ടെ​ടു​ത്തു.

കു​ഞ്ഞി​നെ​ ​ഉ​ത്ര​യു​ടെ
മാ​താ​പി​താ​ക്ക​ൾ​ക്ക് ​വി​ട്ടു​ ​ന​ൽ​ക​ണം

കൊ​ല്ലം​:​ ​ഉ​ത്ര​യു​ടെ​ ​ഒ​രു​ ​വ​യ​സ് ​പ്രാ​യ​മാ​യ​ ​മ​ക​നെ​ ​ഉ​ത്ര​യു​ടെ​ ​മാ​താ​പി​താ​ക്ക​ൾ​ക്ക് ​വി​ട്ടു​ ​ന​ൽ​കാ​ൻ​ ​ജി​ല്ലാ​ ​ശി​ശു​ക്ഷേ​മ​ ​സ​മി​തി​ ​ഉ​ത്ത​ര​വി​ട്ടു.​ ​സൂ​ര​ജി​ന്റെ​ ​മാ​താ​പി​താ​ക്ക​ൾ​ക്കൊ​പ്പ​മാ​യി​രു​ന്നു​ ​കു​ഞ്ഞ്.​ ​കു​ഞ്ഞി​നെ​ ​തി​രി​കെ​ ​കി​ട്ട​ണ​മെ​ന്ന​ ​ആ​വ​ശ്യ​വു​മാ​യി​ ​ഉ​ത്ര​യു​ടെ​ ​അ​ച്ഛ​ൻ​ ​വി​ജ​യ​സേ​ന​നും​ ​അ​മ്മ​ ​മ​ണി​മേ​ഖ​ല​യും​ ​ശി​ശു​ക്ഷേ​മ​ ​സ​മി​തി​ ​മു​മ്പാ​കെ​ ​ന​ൽ​കി​യ​ ​പ​രാ​തി​ ​പ​രി​ഗ​ണി​ച്ച​ ​ചെ​യ​ർ​മാ​ൻ​ ​കെ.​പി.​ ​സ​ജി​നാ​ഥ് ​അ​ടി​യ​ന്ത​ര​ ​റി​പ്പോ​ർ​ട്ട് ​സ​മ​ർ​പ്പി​ക്കാ​ൻ​ ​അ​ഞ്ച​ൽ​ ​പൊ​ലീ​സ് ​സ്റ്റേ​ഷ​ൻ​ ​ഹൗ​സ് ​ഓ​ഫീ​സ​ർ​ക്ക് ​നി​ർ​ദേ​ശം​ ​ന​ൽ​കി.​ ​ചെെ​ൽ​ഡ് ​പ്രാെ​ട്ട​ക്‌​ഷ​ൻ​ ​യൂ​ണി​റ്റി​നോ​ടും​ ​നി​ല​വി​ലെ​ ​സാ​ഹ​ച​ര്യ​ങ്ങ​ളെ​ ​കു​റി​ച്ച് ​വി​വ​ര​ങ്ങ​ൾ​ ​തേ​ടി.​ ​ഇ​രു​വ​രും​ ​ന​ൽ​കി​യ​ ​റി​പ്പോ​ർ​ട്ടു​ക​ൾ​ക്കൊ​പ്പം​ ​പ​ത്ര​വാ​ർ​ത്ത​ക​ളു​ടെ​യും​ ​അ​ടി​സ്ഥാ​ന​ത്തി​ലാ​ണ് ​കു​ഞ്ഞി​നെ​ ​വി​ട്ടു​ന​ൽ​കാ​ൻ​ ​സ​മി​തി​ ​നി​ർ​ദേ​ശം​ ​ന​ൽ​കി​യ​ത്.​ ​ഉ​ത്ര​യു​ടെ​ ​മ​ര​ണ​ശേ​ഷം​ ​കു​ഞ്ഞി​ന്റെ​ ​സം​ര​ക്ഷ​ണ​ ​ചു​മ​ത​ല​ ​ജി​ല്ലാ​ ​ശി​ശു​ക്ഷേ​മ​ ​സ​മി​തി​യു​ടെ​ ​അ​നു​മ​തി​യോ​ടെ​ ​സൂ​ര​ജ് ​ഏ​റ്റെ​ടു​ക്കു​ക​യാ​യി​രു​ന്നു.