കൊല്ലം: കരുനാഗപ്പള്ളി സ്വദേശിയായ യുവാവ് കൊവിഡ് ബാധിച്ച് സൗദി അറേബ്യയിൽ മരണപ്പെട്ടു. ഇടക്കുളങ്ങര ഷാ മൻസിലിൽ ഷാനവാസ് (32) ആണ് മരിച്ചത്. സൗദി അറേബ്യയിലെ ദമാം ജുബയിൽ കമ്പനി ജീവനക്കാരനായിരുന്നു. കൊവിഡ് ബാധിച്ച് ചികിത്സയിലിരിക്കെയായിരുന്നു അന്ത്യം. മരുതൂർക്കുളങ്ങര സ്വദേശിയായിരുന്ന ഷാനവാസ് ഏതാനം മാസങ്ങൾക്കു മുമ്പാണ് റെയിൽവേ സ്റ്റേഷനു സമീപത്തേക്ക് താമസമാക്കിയത്. ഒന്നര വർഷം മുമ്പാണ് വിവാഹം നടന്നത്. ഭാര്യ: നിസാന.