ഓച്ചിറ : കൊവി‍ഡ് 19 ബാധിച്ച് ഓച്ചിറ സ്വദേശി സൗദിഅറേബ്യയിലെ റിയാദിൽ നിര്യാതനായി. ഓച്ചിറ പ്രയാർ വടക്ക് കൊല്ലശ്ശേരിൽ പടീറ്റതിൽ ജമാലുദ്ദീൻ കുഞ്ഞിന്റെയും റുക്കിയയുടേയും മകൻ അബ്ദുൽ സലാമാണ് (44) മരിച്ചത്. രോഗം ബാധിച്ച് റിയാദിലെ ആശുപത്രിയിൽ ചികിത്സയിലായിരിക്കെ ചൊവ്വാഴ്ച രാവിലെയാണ് മരണം സംഭവിച്ചത്. ഇലക്ട്രീഷ്യനായ സലാം പത്ത് വർഷമായി സൗദിയിലാണ്. ഭാര്യ: ഷംനമോൾ. മക്കൾ: സഹൽ, മുഹമ്മദ് സിനാൻ. കബറടക്കം റിയാദിൽ നടക്കും.