കൊട്ടാരക്കര: വ്യാജവാറ്റും വിൽപ്പനയും പൊലീസിന് ഒറ്റിക്കൊടുത്തെന്ന് ആരോപിച്ച് വീടുകയറി വീട്ടമ്മയെ ക്രൂരമായി മർദ്ദിക്കുകയും കുടിവെള്ളത്തിൽ വിഷം കലർത്തുകയും ചെയ്ത വാളകം അമ്പലക്കര മാമ്പഴമേലേതിൽ വീട്ടിൽ മുരുകനെ(40) കൊട്ടാരക്കര പൊലീസ് അറസ്റ്റ് ചെയ്തത്. അമ്പലക്കര ഷഹനാസ് മൻസിലിൽ നസീമയെയാണ് (39) ആക്രമിച്ചത്. നസീമയുടെ പരാതിയിൽ കൊട്ടാരക്കര പൊലീസ് കേസ് രജിസ്റ്റർ ചെയ്ത് നടത്തിയ അന്വേഷണത്തിലാണ് മുരുകനെ അറസ്റ്റ് ചെയ്തത്. പ്രതിയെ കോടതി റിമാൻഡ് ചെയ്തു.