നടൻ ഗോകുലൻ വിവാഹിതനായി. ധന്യയാണ് വധു. ഇന്ന് രാവിലെ പെരുമ്പാവൂർ ഇരവിച്ചിറ ക്ഷേത്രത്തിൽ വച്ചായിരുന്നു വിവാഹം. അടുത്ത ബന്ധുക്കളും സുഹൃത്തുക്കളും മാത്രമായിരുന്നു ചടങ്ങിൽ പങ്കെടുത്തത്. കസവ് മുണ്ടും ഷർട്ടും ധരിച്ചാണ് താരമെത്തിയത്. മെറൂൺ കളർ സാരിയിലാണ് ധന്യ വിവാഹത്തിനെത്തിയത്.സുരക്ഷ ക്രമീകരണങ്ങൾ മുൻനിറുത്തി മാസ്‌ക് ധരിച്ച് കൊണ്ടാണ് താരങ്ങളും ബന്ധുക്കളുമെല്ലാം എത്തിയത്.നവദമ്പതികൾക്ക് സോഷ്യൽ മീഡിയ നിറയെ ആശംസകൾ നിറയുകയാണ്.

പുണ്യാളൻ അഗർബത്തീസ് എന്ന സിനിമയിലെ ജിബ്രൂട്ടനാണ് ഗോകുലനെ ശ്രദ്ധേയനാക്കുന്നത്. തുടർന്ന് മമ്മൂട്ടിയോടൊപ്പം ഉണ്ട എന്ന സിനിമയിൽ മുഴുനീള വേഷം ചെയ്തത് അഭിയജീവിതത്തിലെ വഴിത്തിരിവായിരുന്നു.