കൊല്ലം: ബ്രേക്ക് ദ ചെയിൻ കാമ്പയിന്റെ ഭാഗമായി സിറ്റി പൊലീസ്,​ നീണ്ടകര തീരദേശ പൊലീസ്,​ കെ.പി.ഒ.എ കൊല്ലം സിറ്റി എന്നിവർ ചേർന്ന് തയ്യാറാക്കിയ ഇൻസ്റ്റലേഷൻ ആർട്ടിന്റെ അനാവരണം കല്ലുംതാഴം ബൈപ്പാസ് ജംഗ്ഷനിൽ മന്ത്രി ജെ. മേഴ്സിക്കുട്ടിഅമ്മ നിർവഹിച്ചു. കടവൂർ ചിത്രമൂല ആർട്ട്സ് അഭിലാഷ്,​ അനിൽകുമാർ എന്നിവരാണ് ഇത് തയ്യാറാക്കിയത്. ബ്രേക്ക് ദ ചെയിൻ പ്രചാരണാർത്ഥം സംസ്ഥാനത്ത് ആദ്യമായാണ് ഇൻസ്റ്റലേഷൻ ആർട്ട് തയ്യാറാക്കുന്നത്. സംസ്ഥാനത്തെ ആദ്യത്തെ അനാവരണച്ചടങ്ങിൽ സിറ്റി പൊലീസ് കമ്മിഷണർ ടി. നാരായണൻ,​ എ.സി.പി എ. പ്രതീപ്കുമാർ,​ കോസ്റ്റൽ സി.ഐ എസ്. ഷെരീഫ്,​ കിളികൊല്ലൂർ സി.ഐ ആർ.എസ്. ബിജു,​ കെ.പി.ഒ.എ ജില്ലാ പ്രസിഡന്റ് ജയകുമാർ,​ സെക്രട്ടറി എം.സി. പ്രശാന്തൻ,​ കെ. സുനി,​ ഉദയൻ,​ കോസ്റ്റൽ പൊലീസ് ഉദ്യോഗസ്ഥർ തുടങ്ങിയവർ പങ്കെടുത്തു.