 ജൂൺ 5ന് മന്ത്രി മേഴ്സിക്കുട്ടിഅമ്മ ഉദ്ഘാടനം ചെയ്യും

കൊല്ലം: ഹ​രി​ത കേ​ര​ളം മിഷന്റെ സു​ഭി​ക്ഷ കേ​ര​ളം പ​ദ്ധ​തി​യിൽ പങ്കാളിയായി സി.എ​സ്.ഐ സ​ഭ​യു​ടെ കൊ​ല്ലം ബി​ഷ​പ്പ് ഹൗ​സി​ലെ ആറ് ഏ​ക്കർ ഭൂ​മി​യിൽ കൃ​ഷി​യി​റ​ക്കും. സി.എ​സ്.ഐ സ​ഭ അ​ര​മ​ന​യിൽ മ​ന്ത്രി ജെ. മേ​ഴ്‌​സി​ക്കു​ട്ടി​യ​മ്മ​യു​ടെ അദ്ധ്യ​ക്ഷ​ത​യിൽ ചേർ​ന്ന യോ​ഗ​ത്തിലാണ് ഇതുസംബന്ധിച്ച് തീ​രു​മാ​ന​മായത്.

സ​ഭ​യു​ടെ ഉ​ട​മ​സ്ഥ​ത​യി​ലു​ള്ള 62 പ​ള്ളി​ക​ളി​ലാ​യി 50 ഏ​ക്ക​റോ​ളം ഭൂ​മി​യിലും പ​ദ്ധ​തി പ്ര​കാ​രം കൃ​ഷി വ്യാ​പി​പ്പി​ക്കും. അ​ര​മ​ന​യി​ലെ ആറ് ഏ​ക്കർ ഭൂ​മി​യിൽ ക​ശു​മാ​വ്, വ​ഴു​ത​ന, വെ​ണ്ട, മു​ള​ക്, വാ​ഴ, ക​റി​വേ​പ്പ്, പ​പ്പാ​യ, ഇ​ഞ്ചി, മ​ഞ്ഞൾ തു​ട​ങ്ങി​യ​വ കൃ​ഷി ചെ​യ്യും. കൂ​ടാ​തെ ഇ​വി​ടെ സ്ഥി​തി ചെ​യ്യു​ന്ന കു​ള​ത്തി​ലും പു​തു​താ​യി നിർ​മ്മി​ക്കു​ന്ന പ​ടു​താ കു​ള​ങ്ങ​ളി​ലും മത്സ്യ​കൃ​ഷിയും പ​ശു, കോ​ഴി ഫാ​മു​കളും ആരംഭിക്കും. നി​ലം ഒ​രു​ക്കൽ പ്ര​വർ​ത്ത​നങ്ങൾക്കായി അ​യ്യൻ​കാ​ളി തൊ​ഴി​ലു​റ​പ്പ് തൊ​ഴി​ലാ​ളി​ക​ളു​ടെ സേ​വ​നം ല​ഭ്യ​മാ​ക്കും.

ജൂൺ 5ന് വൈ​കി​ട്ട് 3ന് മ​ന്ത്രി ജെ. മേ​ഴ്‌​സി​ക്കു​ട്ടി​യ​മ്മ പ​ദ്ധ​തി ഉ​ദ്​ഘാ​ട​നം ചെ​യ്യും. ഹ​രി​ത കേ​ര​ളം മി​ഷ​ന്റെ ഏ​കോ​പ​ന​ന​ത്തിൽ സി.എ​സ്.ഐ സ​ഭ, കാ​ഷ്യു കോർ​പ​റേ​ഷൻ, കൃ​ഷി വ​കു​പ്പ്, അ​യ്യൻ​കാ​ളി തൊ​ഴി​ലു​റ​പ്പ് പ​ദ്ധ​തി തു​ട​ങ്ങി​യ​വ​യെ സം​യോ​ജി​പ്പി​ച്ചാ​ണ് പ​ദ്ധ​തി ന​ട​പ്പി​ലാ​ക്കു​ക.

ബി​ഷ​പ്പ് ഹൗ​സിൽ ചേർ​ന്ന യോ​ഗ​ത്തിൽ സി.എ​സ്.ഐ കൊ​ല്ലം ബി​ഷ​പ്പ് ഫാ. ഉ​മ്മൻ ജോർ​ജ്​, കാ​ഷ്യു കോർ​പ​റേ​ഷൻ ചെ​യർ​മാൻ എ​സ്. ജ​യ​മോ​ഹ​നൻ, ഹ​രി​ത കേ​ര​ളം മി​ഷൻ ജി​ല്ലാ കോ ഓർ​ഡി​നേ​റ്റർ, എ​സ്. ഐ​സ​ക്ക് തു​ട​ങ്ങി​യ​വർ പ​ങ്കെ​ടു​ത്തു.