കൊല്ലം: കൊവിഡ് പ്രതിരോധവുമായി ബന്ധപ്പെട്ട് ബാർബർ - ബ്യൂട്ടീഷ്യൻ സ്ഥാപനങ്ങളിൽ സാമൂഹിക അകലം പാലിക്കാനായി കേരളാ സ്റ്റേറ്റ് ബാർബർ ബ്യൂട്ടീഷ്യൻ ഫെഡറേഷനും ഫെനിക്‌സ് ബിഗ് ഡിജിറ്റൽ ഇന്ത്യ പ്രൈവറ്റ് ലിമിറ്റഡും ചേർന്ന് സ്ഥാപനങ്ങളിൽ ഓൺലൈൻ ബുക്കിംഗ് സൗകര്യം ഏർപ്പെടുത്തി. www.bookmyhairstyle.in എന്ന വെബ് സൈറ്റിൽ ഷോപ്പ് ഉടമകൾക്ക് പേര് രജിസ്റ്റർ ചെയ്യാം. ലഭിക്കുന്ന ഓരോ സ്ഥാപനങ്ങളുടെയും ഒഫീഷ്യൽ വെബ്പേജിന്റെ ലിങ്ക് കസ്റ്റമേഴ്‌സിന് ഷെയർ ചെയ്ത് സമയം ക്രമപ്പെടുത്താവുന്നതാണ്. ഈ സംവിധാനത്തിൽ സംസ്ഥാനത്തെ മുഴുവൻ ബാർബർ - ബ്യൂട്ടീഷ്യൻ ഷോപ്പ് ഉടമകൾക്കും രജിസ്റ്റർ ചെയ്യാം. ഓദ്യോഗിക ഉദ്ഘാടനം ഫെഡറേഷൻ പ്രസിഡന്റ കുരീപ്പുഴ മോഹനൻ നിർവഹിച്ചു. സംസ്ഥാന സെക്രട്ടറി പ്രദീപ് തേവലക്കര, ജില്ലാ പ്രസിഡന്റ് സെന്തിൽ, സെക്രട്ടറി പ്രകാശ് വെറ്റമുക്ക്, പള്ളിമൺ രാജേന്ദ്രൻ, ജെ.ജി. അനന്തകൃഷ്ണൻ തുടങ്ങിയവർ പങ്കെടുത്തു.