ഗുരുവായൂർ: നഗരസഭ വാർഡ് 26 ലെ 105 -ാമത് നമ്പർ അംഗൻവാടിയിലെ കുരുന്നുകൾ കുഞ്ഞു സമ്പാദ്യങ്ങൾ എല്ലാം ചേർത്ത് മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നൽകി. കുരുന്നുകൾ സ്വരൂപിച്ച 3150 രൂപയാണ് സംഭാവനയായി നൽകിയത്. അംഗൻവാടി ലീഡർ ശ്രീയ സന്ദീപിന്റെ നേതൃത്വത്തിൽ നഗരസഭാ ചെയർപേഴ്സൻ എം. രതി ടീച്ചർക്ക് തുക കൈമാറി. നഗരസഭാ അഗതി ക്യാമ്പിലെ അന്തേവാസികൾക്ക് വേണ്ടി കുടുംബശ്രീ അംഗങ്ങൾ തയ്യാറാക്കിയ മാസ്കുകൾ ചടങ്ങിൽ നഗരസഭാ വൈസ് ചെയർമാൻ അഭിലാഷ്. വി. ചന്ദ്രൻ ഏറ്റുവാങ്ങി. അംഗൻവാടി ടീച്ചർ ആഗ്നസ് ലാസർ, ഹെൽപ്പർ കെ.എ. സരിത, അംഗൻവാടി ഏരിയ ലെവൽ മോണിറ്ററിംഗ് കമ്മിറ്റി കൺവീനർ ഹരിദാസൻ പനമ്പറമ്പത്ത് എന്നിവർ സന്നിഹിതരായി.