തൃപ്രയാർ: തളിക്കുളം ബ്ലോക്ക് പഞ്ചായത്ത് കഴിമ്പ്രം ഡിവിഷന്റെ കൈത്താങ്ങ് പദ്ധതിക്ക് പാലപ്പെട്ടി ബീച്ചിൽ തുടക്കം. ആദ്യഘട്ടത്തിൽ ബോബി ചെമ്മണ്ണൂർ ഇന്റർനാഷ്ണൽ ഗ്രൂപ്പിന്റെ സഹായത്തോടെ ലക്ഷം രൂപയുടെ ഭക്ഷ്യധാന്യകിറ്റുകൾ തീരദേശ കോളനികളിൽ വിതരണം ചെയ്തു. കഴിമ്പ്രം ക്ലാസിക് ക്ലബ്ബിന്റെ സഹകരണത്തോടെ വലപ്പാട് ബീച്ച് മുതൽ പാലപ്പെട്ടി ബീച്ച് വരെയുള്ള മേഖലയിൽ വീടുകളിലെത്തിയാണ് കിറ്റുകൾ നൽകിയത്. ഭക്ഷ്യധാന്യകിറ്റ് വിതരണം ടി.എൻ. പ്രതാപൻ എം.പി ഉദ്ഘാടനം ചെയ്തു. ബ്ലോക്ക് പഞ്ചായത്ത് അംഗം കെ.ജെ. യദുകൃഷ്ണ അദ്ധ്യക്ഷത വഹിച്ചു. ബോബി ചെമ്മണ്ണൂർ ഇന്റർനാഷണൽ ഗ്രൂപ്പ് പി.ആർ.ഒ ജോജി എം.ജെ, ബ്ലോക്ക് കോൺഗ്രസ് പ്രസിഡന്റ് കെ. ദിലീപ്കുമാർ, ഗ്രാമപഞ്ചായത്ത് അംഗം ഐ.വി. സുന്ദരൻ, കഴിമ്പ്രം ക്ലാസിക് ക്ലബ് ഭാരവാഹികളായ മിഥുൻ സേവ്യർ, നിദീഷ് എം.ടി, കാർതിക് എൻ.കെ, വിഷ്ണുരാജ്, അരുൺ ബാബു, മബീഷ് കഴിമ്പ്രം, അമൻ സുന്ദർ എന്നിവർ സംസാരിച്ചു.