ചാവക്കാട്: ഗുരുവായൂർ ജനസേവാ ഫോറത്തിന്റെ ആഭിമുഖ്യത്തിൽ സൗജന്യ മരുന്നു കിറ്റും, ഭക്ഷണ കിറ്റും വിതരണം ചെയ്തു. സൗജന്യ മരുന്ന് വിതരണം ജനസേവ ഫോറം രക്ഷാധികാരി വി.പി. മേനോനും, ഭക്ഷണകിറ്റ് വിതരണം മെഡിക്കൽ അസിസ്റ്റന്റ് കമ്മിറ്റി ചെയർമാൻ വസന്തമണി ടീച്ചറും ഉദ്ഘാടനം ചെയ്തു. വൈസ് പ്രസിഡന്റ് സജിത് കുമാർ അദ്ധ്യക്ഷത വഹിച്ചു. അർഹതയുള്ള 40 ഓളം കുടുംബങ്ങൾക്ക് ഭക്ഷ്യധാന്യ കിറ്റുകളം, 20 ഓളം കുടുംബങ്ങൾക്ക് അവശ്യ മരുന്നുകളുമാണ് വിതരണം ചെയ്തത്. സെക്രട്ടറി എം.പി. പരമേശ്വരൻ, അനൂപ് ശാന്തി, ഒ.ജി. രവീന്ദ്രൻ, വിദ്യാസാഗർ, ഉഷ വി. മേനോൻ, പി.ആർ. സുബ്രമണ്യൻ എന്നിവർ പരിപാടിക്ക് നേതൃത്വം നൽകി.