തൃശൂർ: കൊവിഡ് 19 പ്രതിരോധത്തിന്റെ ഭാഗമായി ജില്ലയിൽ വീടുകളിൽ നിരീക്ഷണത്തിലുള്ളത് 5,688 പേർ. രണ്ട് പേരെ ആശുപത്രിയിൽ പ്രവേശിപ്പിച്ചു. രണ്ട് പേർ ആശുപത്രി വിട്ടു. ഇന്നലെ അയച്ച 15 സാമ്പിളുകൾ ഉൾപ്പെടെ ഇതു വരെ 1498 സാമ്പിളുകൾ പരിശോധനയ്ക്ക് അയച്ചതിൽ 1431 സാമ്പിളുകളുടെ ഫലം വന്നു. 67 എണ്ണത്തിന്റെ ഫലം ലഭിക്കാനുണ്ട്. വിവിധ മേഖലകളിലുളളവരുടെ 291 സാമ്പിളുകൾ പരിശോധനയ്ക്ക് അയച്ചു. 303 ഫോൺകോളുകൾ ജില്ലാ കൺട്രോൾ സെല്ലിൽ ലഭിച്ചു. 79 പേർക്ക് കൗൺസലിംഗ് നൽകി. ശക്തൻ പച്ചക്കറി മാർക്കറ്റിൽ 1615 പേരെയും മത്സ്യച്ചന്തയിൽ 1127 പേരെയും ബസ് സ്റ്റാൻഡിലെ പഴവർഗ്ഗങ്ങൾ വിൽക്കുന്ന മാർക്കറ്റിൽ 123 പേരെയും സ്‌ക്രീൻ ചെയ്തു. ഡെങ്കിപ്പനി തടയുന്നതിനുളള പ്രതിരോധ പ്രവർത്തനങ്ങളുടെ ഭാഗമായി പൊങ്ങണംകാട് മേഖലയിൽ ഉറവിട നശീകരണ പ്രവർത്തനം നടത്തി.