തൃശൂർ. ലോക്ക് ഡൗൺ ഇളവുകൾ പ്രഖ്യാപിച്ച സാഹചര്യത്തിൽ ഡൽഹിയിൽ കുടുങ്ങിയവരിൽ തൃശൂരിൽ ഇന്നലെ എത്തിയത് 120 യാത്രക്കാർ. ഡൽഹിയിൽ നിന്ന് വ്യാഴാഴ്ച പുറപ്പെട്ട ട്രെയിനാണ് ജില്ലയിലെത്തിയത്. തൃശൂർ, മലപ്പുറം, പാലക്കാട്, എറണാകുളം ജില്ലകളിലേക്കുള്ള യാത്രക്കാരെ തൃശൂർ റെയിൽവേ സ്റ്റേഷനിലാണ് ഇറക്കിയത്. തൃശൂരിൽ നിന്നും 73 പേരും പാലക്കാട് 42, മലപ്പുറം -4 എറണാകുളത്തു നിന്നുമുള്ള ഒരു യാത്രക്കാരനുമാണ് തൃശൂരിലെത്തിയത്. 22 ബോഗികളിലായാണ് യാത്രക്കാരെ ജില്ലയിലെത്തിച്ചത്. ജില്ലയിൽ നിന്നുള്ള 73 പേരിൽ 68 പേരെ ഹോം ക്വാറന്റൈനിലും, രോഗ ലക്ഷണം പ്രകടിപ്പിച്ച അഞ്ചുപേരെ ഇൻസ്റ്റിറ്റ്യൂഷനൽ ക്വാറന്റൈനിലും ആക്കി. ബാക്കിയുള്ള ജില്ലക്കാരെ മെഡിക്കൽ പരിശോധനയ്ക്ക് ശേഷം അതത് ജില്ലകളിലേക്കും അയച്ചു. പാലക്കാട്, മലപ്പുറം, എറണാകുളം, ജില്ലകളിലേക്കും, തൃശൂർ ജില്ലയിലെ വിവിധ താലൂക്കിലേക്കുള്ള യാത്രക്കാരെ എത്തിക്കുന്നതിനായി കെ.എസ്.ആർ.ടി.സി ബസ് സൗകര്യവും ഏർപ്പെടുത്തിയിരുന്നു.