തൃശൂർ. കലാമണ്ഡലം മേയ് 26 മുതൽ 29 വരെ നടത്താനിരുന്ന എസ്.എസ്.എൽ.സി, പ്ലസ് ടു പരീക്ഷകൾ മാറ്റിയതായി പൊതുവിദ്യാഭ്യാസവകുപ്പ് പരീക്ഷാ കമ്മിഷണർ അറിയിച്ചു. കലാമണ്ഡലം ഏക പരീക്ഷാ കേന്ദ്രമായതിനാലും സംസ്ഥാനത്തിന്റെ വിവിധ ജില്ലകളിൽ നിന്നുള്ള വിദ്യാർത്ഥികൾക്ക് എത്തിച്ചേരാനുള്ള അസൗകര്യവും കണക്കിലെടുത്തുമാണ് പരീക്ഷ മാറ്റിയത്. പുതുക്കിയ സമയക്രമം പിന്നീട് അറിയിക്കും. കൊവിഡ് 19 പശ്ചാത്തലത്തിൽ പലരും വിവിധ ജില്ലകളിൽ കുടുങ്ങി കിടക്കുന്നതിനാലാണ് ഈ തീരുമാനം. ഉന്നത വിദ്യാഭ്യാസത്തിനുള്ള അവസരം നഷ്ടപ്പെടുത്താത്ത രീതിയിൽ പരീക്ഷകൾ പുനഃക്രമീകരിക്കുമെന്ന് പരീക്ഷാ കമ്മിഷണർ അറിയിച്ചു.