തൃശൂർ: ഉത്തരാഖണ്ഡ്, മണിപ്പൂർ, സിക്കിം സംസ്ഥാനങ്ങളിലെ തൊഴിലാളികൾ യാത്ര തിരിച്ചു. തൊഴിലാളികളെ തൃശൂർ കളക്ടറേറ്റിൽ നിന്നും യാത്രയാക്കി. ഇന്നലെ വൈകീട്ട് ആറോടെ 140 അതിഥി തൊഴിലാളികൾ നാല് കെ.എസ്.ആർ.ടി.സി ബസുകളിലായാണ് എറണാകുളം റെയിൽവേ സ്റ്റേഷനിലേക്ക് തിരിച്ചത്. റെയിൽവേ ഒരുക്കിയ സ്പെഷ്യൽ ട്രെയിൻ വഴിയാണ് മടക്കയാത്ര. ഇന്നലെ രാത്രി 11.45 ന് എറണാകുളം റെയിൽവേ സ്റ്റേഷനിൽ നിന്നായിരുന്നു മണിപ്പൂരിലേക്ക് ട്രെയിൻ. ഉത്തരാഖണ്ഡ്, മണിപ്പൂർ, സിക്കിം എന്നിവിടങ്ങളിലേക്ക് എറണാകുളം റെയിൽവേ സ്റ്റേഷനിൽ നിന്ന് ഇന്നലെ പുലർച്ചെ 12.15നായിരുന്നു ട്രെയിൻ. ഉത്തരാഖണ്ഡിലേക്ക് 95 പേരും മണിപ്പൂരിലേക്ക് 43 പേരും സിക്കിമിലേക്കും മിസോറാമിലേക്കും ഓരോരുത്തർ വീതവുമാണ് തിരികെ പോകുന്നത്. ഉത്തരാഖണ്ഡ്, മണിപ്പൂർ, സിക്കിം എന്നിവിടങ്ങളിലേക്കുളള ടിക്കറ്റ് അതാത് സംസ്ഥാനങ്ങളും മിസോറാമിലേക്ക് മിസോ പാസഞ്ചേഴ്‌സ് അസോസിയേഷനുമാണ് നൽകിയത്.