തൃശൂർ: കേന്ദ്രീയ വിദ്യാലയങ്ങളിൽ ഇന്നലെ മുതൽ ഓൺലൈൻ ക്ലാസുകൾ തുടങ്ങി. ഓരോ കുട്ടിയും രണ്ട് മണിക്കൂർ വരെ പങ്കെടുക്കുന്ന രീതിയിലാണ് ക്ലാസ്. നാല് പിരീഡ് വരെ ക്ലാസുകൾ ലഭിക്കും. രാവിലെ 8.30 മുതൽ വൈകിട്ട് 3.30 വരെ നടക്കുന്ന ക്ലാസുകൾക്ക് പ്രത്യേക ഷെഡ്യൂൾ തയ്യാറാക്കിയിട്ടുണ്ട്. മൈക്രോ സോഫ്റ്റ് ടീം, ഗൂഗിൾ ക്ലാസ് റൂം, ഗൂഗിൾ മീറ്റ് എന്നിങ്ങനെ മൂന്ന് തരത്തിലുള്ള ആപ്പാണ് ഉപയോഗിക്കുന്നത്.

ഓൺ ലൈൻ ക്ലാസുകൾക്കായി കഴിഞ്ഞ രണ്ട് മാസമായി വലിയ തയ്യാറെടുപ്പാണ് നടത്തിയത്. അദ്ധ്യാപകർക്ക് വേണ്ട പരിശീലനം, രക്ഷിതാക്കൾക്ക് കുട്ടികളുടെ മേൽനോട്ടം വഹിക്കുന്നതിനുള്ള ബോധവത്കരണം എന്നിവ നടന്നു. രണ്ടാം ക്ലാസ് മുതൽ പന്ത്രണ്ടാം ക്ലാസ് വരെയാണ് ഓൺലൈൻ ക്ലാസുകൾ നൽകുക. പ്രൈമറി വിഭാഗത്തിൽ വീഡിയോ ക്ലിപ്പിംഗുകൾ ആപ്പുകൾ വഴി അപ്ലോഡ് ചെയ്ത് ക്ലാസ് നൽകും. എന്നാൽ എട്ടാം ക്ലാസ് മുതലുള്ള കുട്ടികൾക്ക് അദ്ധ്യാപകരുമായി ‌ ആശയ വിനിമയം നടത്താൻ കഴിയുന്ന തരത്തിലാണ് ക്ലാസുകൾ.

..........

ഓരോ ക്ലാസിലെയും കുട്ടികൾക്ക് പ്രത്യേക ഷെഡ്യൂളുണ്ട്. അതിന് പുറമെ കുട്ടികൾക്ക് വീട്ടിലിരുന്ന് ചെയ്യാൻ കഴിയുന്ന സ്പെഷ്യൽ അസൈൻമെന്റും നൽകും. ക്ലാസ് നടക്കുമ്പോൾ വീട്ടിൽ രക്ഷിതാക്കളുടെ മേൽനോട്ടം വേണമെന്ന് നിർദ്ദേശിച്ചിട്ടുണ്ട്. ആദ്യ ദിനം തന്നെ ഓൺലൈൻ ക്ലാസുകൾക്ക് കുട്ടികളിൽ നിന്ന് നല്ല പ്രതികരണമാണ് ലഭിച്ചത്.

അനിൽ മോഹൻ

പ്രിൻസിപ്പാൾ

കേന്ദ്രീയ വിദ്യാലയ നമ്പർ വൺ

കൊച്ചി നേവൽ ബേസ്