ഗുരുവായൂര്‍: നഗരസഭ കൗൺസിലർ സുരേഷ് വാരിയർ (53) നിര്യാതനായി. ജനതാദൾ (എസ് ) സംസ്ഥാന സമിതി അംഗമാണ്. നഗരസഭ ക്ഷേമകാര്യ സ്റ്റാൻഡിംഗ് കമ്മിറ്റി മുൻ ചെയർമാനാണ്. കെ.എസ്.യു (എസ്), യൂത്ത് കോൺഗ്രസ് (എസ്), കോൺഗ്രസ് (എസ്) എന്നീ പ്രസ്ഥാനങ്ങളുടെ ജില്ല - സംസ്ഥാന നേതൃപദവികൾ വഹിച്ചിട്ടുണ്ട്. വർത്തമാനം, ജനയുഗം എന്നീ പത്രങ്ങളുടെ ഗുരുവായൂർ ലേഖകനായിരുന്നു. ഗുരുവായൂരിലെ മാദ്ധ്യമ പ്രവർത്തകരുടെ കൂട്ടായ്മ‍യായ പ്രസ് ഫോറത്തിന്റെ ഭാരവാഹിയായിരുന്നു. ഭാര്യ: രാഗി എസ്. വാരിയർ (അദ്ധ്യാപിക, ദേവസ്വം ഇംഗ്ലീഷ് മീഡിയം സ്കൂൾ, മുൻ നഗരസഭ സ്റ്റാൻഡിംഗ് കമ്മിറ്റി ചെയർപേഴ്സൺ). മക്കൾ: ഭൂമിക, അനാമിക. പിതാവ്: പരേതനായ പെരുന്തട്ട വാരിയത്ത് രാജൻ വാര്യർ. മാതാവ്: ലീല വാരസ്യാർ. സംസ്കാരം ഞായറാഴ്ച രാവിലെ എട്ടിന് ടൗൺ ഹാളിലെ പൊതുദർശനത്തിന് ശേഷം പത്തിന് നഗരസഭ ശ്മശാനത്തിൽ..