തിരുവനന്തപുരം : ഇന്നലെ ലഭിച്ച 95 പരിശോധനാഫലങ്ങൾ നെഗറ്റീവായി. 81 സാമ്പിളുകളാണ് പരിശോധനയ്ക്കായി ഇന്നലെ അയച്ചത്. പുതുതായി 231 പേർ രോഗനിരീക്ഷണത്തിലായി. 51 പേർ നിരീക്ഷണ കാലയളവ് രോഗ ലക്ഷണങ്ങളൊന്നുമില്ലാതെ പൂർത്തിയാക്കി. ജില്ലയിൽ 2387 പേർ വീടുകളിൽ കരുതൽ നിരീക്ഷണത്തിലുണ്ട്. ജില്ലയിലെ ആശുപത്രികളിൽ ഇന്ന് രോഗലക്ഷണങ്ങളുമായി 11 പേരെ പ്രവേശിപ്പിച്ചു.ഒൻപത് പേരെ ഡിസ്ചാർജ് ചെയ്തു. തിരുവനന്തപുരം മെഡിക്കൽ കോളേജിൽ 30 പേരും ജനറൽ ആശുപത്രിയിൽ ഒൻപത് പേരും പേരൂർക്കട മാനസികാരോഗ്യ കേന്ദ്രത്തിൽ 2 പേരും,എസ്.എ.ടി ആശുപത്രിയിൽ 5 പേരും വിവിധ സ്വകാര്യ ആശുപത്രികളിൽ 18 പേരും ഉൾപ്പെടെ 64 പേർ ജില്ലയിൽ വിവിധ ആശുപത്രികളിൽ ചികിത്സയിലുണ്ട്. കരുതൽ നിരീക്ഷണത്തിനായി മാർ ഇവാനിയോസ് ഹോസ്റ്റലിൽ 75 പേരെ താമസിപ്പിച്ചിരിക്കുകയാണ്.

കൊറോണ രോഗബാധയുമായി ബന്ധപ്പെട്ട് നിരീക്ഷണത്തിലുള്ളവർ 2526

വീടുകളിൽ നിരീക്ഷണത്തിലുള്ളവർ -2387

ആശുപത്രികളിൽ നിരീക്ഷണത്തിലുള്ളവർ -64

കോവിഡ് കെയർ സെന്ററുകളിൽ നിരീക്ഷണത്തിലുള്ളവർ-75

ഇന്ന് പുതുതായി നിരീക്ഷണ ത്തിലായവർ -231