പത്തനംതിട്ട: പത്തനംതിട്ടയില്‍ ഒന്നര മാസമാകാറായിട്ടും കൊവിഡ് മുക്തി നേടാതെ ദുബായിൽ നിന്നെത്തിയ യുവാവ്. 22 തവണ ഇയാളുടെ സാംപിള്‍ പരിശോധിച്ചെങ്കിലും തുടര്‍ച്ചയായി രണ്ടുതവണ നെഗറ്റീവ് ആയില്ല. മാര്‍ച്ച് 25 നാണ് യുവാവിന് രോഗം സ്ഥിരീകരിച്ചത്. ഇനി പത്തനംത്തിട്ട ജില്ലയില്‍ രോഗം ഭേദമാകാനുള്ളത് ഈ വ്യക്തിക്ക് മാത്രമാണ്. എന്നാല്‍ യുവാവിന്‍റെ ആരോഗ്യനില തൃപ്തികരമാണെന്നും ഒരു പരിശോധനാ ഫലം ഇന്ന് വൈകിട്ടെത്തുമെന്നാണ് പ്രതീക്ഷയെന്നും ജില്ലാ മെഡിക്കൽ ഓഫീസർ മാദ്ധ്യമങ്ങളോട് പറഞ്ഞു.