ബാലരാമപുരം: ബാലരാമപുരം പൊലീസ് സ്റ്റേഷൻ പരിധിയിൽ പുതുക്കുളത്തിന് സമീപം ഏലായിൽ കുഴിച്ചിട്ട 150 ലിറ്റർ കോട പൊലീസ് പിടിച്ചെടുത്തു. ഇന്നലെ പുലർച്ചെ 1.30 ഓടെയാണ് 4 പേർ ചേർന്ന് കോട കുഴിച്ചിടുന്നത് നൈറ്റ് പട്രോളിംഗിനിടെയാണ് പൊലീസിന്റെ ശ്രദ്ധയിൽപ്പെട്ടത്. മൂന്ന് പേർ ഓടി രക്ഷപ്പെടുകയും ഒരാൾ പിടിയിലാവുകയും ചെയ്തു. കല്ലിയൂർ പെരിങ്ങമല ആയില്യം വീട്ടിൽ വാവ എന്ന് വിളിക്കുന്ന ഷോൺ അജി (22)​ ആണ് പിടിയിലായത്. ബാലരാമപുരം സി.ഐ ജി.ബിനു,​ അഡിഷണൽ എസ്.ഐ തങ്കരാജ്,​ എ.എസ്.ഐ പ്രശാന്ത്,​ പൊലീസുകാരായ സുനു,​ അഖിൽ എന്നിവർ ചേർന്നാണ് പ്രതിയെ പിടികൂടിയത്. യുവാവിനെ കോടതി റിമാൻഡ് ചെയ്തു.