കൊച്ചി: എറണാകുളം ബ്രോഡ് വേയിൽ ഇന്ന് നിയന്ത്രണങ്ങളോടെ കടകൾ തുറക്കും. തിരക്ക്‌ ഒഴിവാക്കാൻ വലതുവശത്തുള്ള കടകൾ മാത്രമായിരിക്കും ഇന്നുതുറക്കുക. ഇരുചക്ര വാഹനങ്ങൾ ഒഴികെയുള്ളവ നിരോധിച്ചു. ബ്രോഡ് വേ, മാർക്കറ്റ് റോഡ്, ടിഡി റോഡ്, ജ്യൂ സ്ട്രീറ്റ് എന്നിവ ഉൾപ്പെടുന്ന ഹോൾസെയിൽ ബസാർ പ്രദേശത്ത് ഇടത്-വലത് വശങ്ങൾ തിരിച്ച് ഒന്നിടവിട്ട ദിവസങ്ങളിൽ കടകൾ തുറക്കാനാണ് നിർദ്ദേശിച്ചിരിക്കുന്നത്.

കഴിഞ്ഞ ദിവസം ബ്രോഡ് വേയിൽ ആളുകൾ കൂടിയതോടെ കടകൾ പൊലീസ് ഇടപെട്ട് അടപ്പിച്ചു. നിശ്ചിത എണ്ണം തുറക്കാമെന്ന കളക്ടറുടെ നിർദ്ദേശം തള്ളിയ വ്യാപാരികൾ മുഴുവൻ കടകളും അടച്ചിടാൻ തീരുമാനിക്കുകയായിരുന്നു. തുടർന്നാണ് ഇടത് വലത് വശങ്ങൾ തിരിച്ച് ഒന്നിടവിട്ട ദിവസങ്ങളിൽ കടകൾ തുറക്കാനുള്ള അനുമതി നൽകാൻ ജില്ലാഭരണകൂടം തീരുമാനിച്ചത്.