കോഴിക്കോട്: മുഖ്യമന്ത്രിയുടെ ദുരിതാശ്വാസനിധിയിലേക്ക് കോൺ​ഗ്രസുകാർ ചില്ലിക്കാശ് പോലും കൊടുക്കില്ലെന്ന് കോൺ​ഗ്രസ് നേതാവ് കെ.മുരളീധരൻ എം.പി പറഞ്ഞു. ഞങ്ങളുടെ പ്രവർത്തകരെ കൊന്നവർക്ക് വേണ്ടി കേസ് വാദിക്കാൻ വരുന്ന അഭിഭാഷകർക്കാണ് ദുരിതാശ്വാസനിധിയിലെ പണം സർക്കാർ കൊടുക്കുന്നതെന്നും അദ്ദേഹം പറഞ്ഞു.

വാർത്താ സമ്മേളനങ്ങളിൽ മുഖ്യമന്ത്രി പറയുന്നതിൽ ഭൂരിഭാഗവും കള്ളമാണ്. തീ‍ർത്തും ധിക്കാരിയായ മുഖ്യമന്ത്രിയാണ് പിണറായി വിജയൻ. ഇനി ഒരും വർഷം കൂടിയല്ലേ പിണറായിയെ സഹിക്കേണ്ടതുള്ളൂ.ഡിക്ഷണറിയിൽ ഇല്ലാത്ത വാക്കുകൾ വരെ മുഖ്യമന്ത്രി കസേരയിൽ ഇരുന്ന് പിണറായി പറഞ്ഞു-കോഴിക്കോട്ടുവച്ച് മാദ്ധ്യമപ്രവർത്തകരോട് മുരളീധരൻ പറഞ്ഞു.