മാനന്തവാടി: രോഗികളുടെ എണ്ണം കൂടിയതോടെ ജാഗ്രത കർശനമാക്കി വയനാട് ജില്ലാ ഭരണകൂടം. രോഗ ബാധിതരുള്ള മാനന്തവാടി മേഖലയിൽ പൊലീസ് പരിശോധന കൂടുതൽ കർശനമാക്കിയിട്ടുണ്ട്.ചെന്നൈയിൽ വൈറസ് വ്യാപനത്തിന്റെ പ്രധാന ഉറവിടമായി മാറിയ കോയമ്പേട് മാർക്കറ്റിൽ പോയി തിരിച്ചെത്തിയ വയനാട്ടിലെ കൂടുതൽ ലോറി ഡ്രൈവർമാരുടെ പരിശോധനാ ഫലം ഇന്ന് ലഭിക്കുമെന്നാണ് പ്രതീക്ഷ. രോഗികളുടെ റൂട്ട്മാപ്പ് ഇന്ന് പുറത്തിറക്കും.
അതേസമയം മുത്തങ്ങ അതിർത്തിയിലൂടെ അന്യസംസ്ഥാനങ്ങളിൽ കുടുങ്ങിയവരെ തിരിച്ചെത്തിക്കുന്നത് തുടരുകയാണ്. 86 പേരാണ് ഇതുവരെ നാട്ടിലേക്ക് മുത്തങ്ങ വഴി വന്നത്.