റോസ്‌ഐലൻഡ്: അമേരിക്കയിലെ ബ്രൗൺ യൂണിവേഴ്സിറ്റി അസിസ്റ്റന്റ് പ്രൊഫസറും ഇന്ത്യാക്കാരിയുമായ അനിതാ ശുക്ല ബ്രൗൺ യൂണിവേഴ്സിറ്റിയുടെ റിസർച്ച് അച്ചീവ്‌മെന്റ് പുരസ്‌കാരത്തിന് അർഹയായി. ബയോമെഡിക്കൽ എൻജിനിയറിംഗ് ഉൾപ്പെടെ വിവിധ മേഖലകളിൽ നടത്തിയ ഗവേഷണത്തെ മാനിച്ചാണ് പുരസ്‌കാരം. 5000 ഡോളറിന്റെ റിസർച്ച് സ്‌റ്റൈപ്പന്റും ലഭിക്കും. ബ്രൗൺ യൂണിവേഴ്സിറ്റിയുടെ വാർഷിക പരിപാടിയോടനുബന്ധിച്ച് ശാസ്ത്ര സാങ്കേതിക മേഖലകളിൽ കഴിവുതെളിയിച്ചവരെ അംഗീകരിക്കുന്നതിന്റെ ഭാഗമായാണ് അനിതയേയും പുരസ്‌കാരത്തിനായി തിരഞ്ഞെടുത്തത്.
റൈസ് യൂണിവേഴ്സിറ്റിയിൽ ബയോഎൻജിനിയറിംഗ് ബിരുദവും മാസാച്യുസെറ്റ്സ് ഇൻസ്റ്റിറ്റ്യൂട്ട് ഒഫ് ടെക്‌നോളജിയിൽ നിന്നും ഡോക്ടറേറ്റും നേടിയ അനിത, പ്രസിഡൻഷ്യൽ ഏർലി കരിയർ അവാർഡ്, നാഷണൽ സയൻസ് ഫൗണ്ടേഷൻ അവാർഡ് ഉൾപ്പെടെ നിരവധി പുരസ്കാരങ്ങൾ നേടിയിട്ടുണ്ട്.