ഇറാഖ്: അഞ്ചുമാസത്തെ അനിശ്ചിതത്വത്തിനൊടുവിൽ ഇറാഖിലെ മുൻ രഹസ്യാന്വേഷണ വിഭാഗം തലവൻ മുസ്തഫ അൽ ഖാത്തിമി ഇറാക്ക് പ്രധാനമന്ത്രിയായി സ്ഥാനമേറ്റു. വിമത ശല്യത്താൽ രാജ്യം വിഷമിച്ച് നിൽക്കുന്ന സാഹചര്യത്തിലാണ് ഖാത്തിമി പ്രധാനമന്ത്രിയായി വരുന്നത്. ഖാത്തിമി നല്ല പ്രായോഗിക ബുദ്ധിയുള്ള നേതാവായാണ് വിലയിരുത്തപ്പെടുന്നത്.

ഇതോടെ ഇറാക്കിലെ പ്രധാനമന്ത്രി ആര് എന്ന് അഞ്ചുമാസമായി തുടരുന്ന അനിശ്ചിതത്വത്തിന് വിരാമമായി. ഇറാന് വളരെ താത്പര്യമുള്ള നേതാവാണെന്ന പ്രത്യേകതയും ഖാത്തിമിക്ക് ഗുണകരമാകുമെന്നാണ് കരുതുന്നത്. മുൻ രഹസ്യാന്വേഷണ ഉദ്യോഗസ്ഥൻ എന്ന നിലയിൽ വിദേശരാജ്യങ്ങളുമായി തന്ത്രപരമായ സമീപനവും ബന്ധവും കാത്തു സൂക്ഷിച്ചിരുന്നയാളായിരുന്നു ഖാത്തിമി.