തിരുവനന്തപുരം: കൊവിഡ് 19 പശ്ചാത്തലത്തിൽ ജില്ലയിൽ ഇന്നലെ പുതുതായി 503 പേർ കൂടി നിരീക്ഷണത്തിലായി. 242 പേർ നിരീക്ഷണ കാലയളവ് പൂർത്തിയാക്കി. രോഗലക്ഷണങ്ങളോടെ 11 പേരെ ആശുപത്രികളിൽ പ്രവേശിപ്പിച്ചു.12 പേരെ ഇന്നലെ ഡിസ്‌ചാർജ് ചെയ്തു. ആകെ 3166 പേരാണ് ജില്ലയിൽ നിരീക്ഷണത്തിലുള്ളത്. മെഡിക്കൽ കോളേജിൽ 18 പേരും ജനറൽ ആശുപത്രിയിൽ എട്ട് പേരും പേരൂർക്കട മാനസികാരോഗ്യ കേന്ദ്രത്തിൽ ഒരാളും എസ്.എ.ടി ആശുപത്രിയിൽ ഏഴ് പേരും വിവിധ സ്വകാര്യ ആശുപത്രികളിൽ 14 പേരും ഉൾപ്പെടെ 48 പേർ ജില്ലയിൽ ആശുപത്രികളിൽ ചികിത്സയിലുണ്ട്.

89 സാമ്പിളുകളാണ് ഇന്നലെ പരിശോധനയ്ക്ക് അയച്ചത്. ഇന്നലെ ലഭിച്ച 101 പരിശോധനാഫലങ്ങൾ നെഗറ്റീവാണ്. വിവിധയിടങ്ങളിലായി നടന്ന വാഹനപരിശോധനയിൽ 11,785 യാത്രക്കാരെ സ്‌ക്രീനിംഗ് നടത്തി.

 ആകെ നിരീക്ഷണത്തിലുള്ളവ‌ർ - 3,166

 വീടുകളിൽ നിരീക്ഷണത്തിലുള്ളവർ - 2,941

 ആശുപത്രികളിൽ നിരീക്ഷണത്തിലുള്ളവർ - 48

 കൊവിഡ് കെയർ സെന്ററുകളിൽ നിരീക്ഷണത്തിലുള്ളവർ - 117

 പുതുതായി നിരീക്ഷണത്തിലായവർ - 503