ഇന്നത്തെ കാലത്ത് വീടിന്റെ ടെറസില്‍ കൃഷി ചെയ്യുക എന്നത് അത്ര പുതുമയുള്ള കാര്യമല്ല. പരിമിതമായ സ്ഥലത്ത് കൃഷിയ്ക്കായി ടെറസ് ഉപയോഗിക്കുന്നവർ ഏറെയാണ്. എന്നാൽ ടെറസിൽ കൃഷി ചെയ്യുന്നവർ അറിഞ്ഞിരിയ്‌ക്കേണ്ട ചില കാര്യങ്ങളുണ്ട്.

ആദ്യം തന്നെ തോട്ടം തയ്യാറാക്കുമ്പോൾ എങ്ങനെയെല്ലാംഅതിനെ സജ്ജീകരിയ്ക്കാം എന്നതിനെക്കുറിച്ച് അറിഞ്ഞിരിയ്ക്കണം. കൃഷി ചെയ്യുന്നതിനു മുൻപ് ചില കാര്യങ്ങൾ ശ്രദ്ധിക്കാം. ഇവ എന്തൊക്കെയെന്ന് നോക്കാം. പറ്റിയ സ്ഥലം തിരഞ്ഞെടുക്കുകയാണ് ആദ്യം വേണ്ടത്. സൂര്യപ്രകാശം ലഭിയ്ക്കുന്ന തുറന്ന സ്ഥലങ്ങൾ ആയിരിക്കണം കൃഷിയ്ക്കായി തിരഞ്ഞെടുക്കേണ്ടത്. വെയിൽ മിതമായ രീതിയിൽ വെയിൽ ലഭിയ്ക്കണം എന്ന് കരുതി മിതമായ വെയിൽ മാത്രമുള്ളിടത്ത് വേണം കൃഷി ചെയ്യാൻ സ്ഥലം കണ്ടെത്താൻ. അല്ലാത്ത പക്ഷം അത് ചെടിയെ നശിപ്പിക്കും. മണ്ണ് തയ്യാറാക്കാൻ ശ്രദ്ധിക്കേണ്ടത് അത്യാവശ്യമാണ്. ഓർഗാനിക് കൃഷിയാണെങ്കിൽ അതിൽ ചാണകവും ചേർത്ത് വേണം മണ്ണ് തയ്യാറാക്കാൻ. വീട്ടിൽ ഉപയോഗിച്ച് ബാക്കി വരുന്ന പഴങ്ങളും പച്ചക്കറികളും ഉപയോഗിച്ച് കമ്പോസ്റ്റ് തയ്യാറാക്കണം. ഇതും ചാണകവും മണ്ണും തയ്യാറാക്കിയതിന്റെ കൂടെ ചേർക്കാം. വേഗത്തിൽ വളരുന്ന പച്ചക്കറികൾ മാത്രം ആദ്യം തിരഞ്ഞെടുക്കുക. തക്കാളി, മുളക്, ചീര എന്നിവ മാത്രം.

നനയ്ക്കുമ്പോൾ ചെടികൾ സ്ഥിരമായി നനയ്‌ക്കേണ്ടത് അത്യാവശ്യമാണ്. പക്ഷേ അധികം നനയ്ക്കുകയും ചെയ്യരുത്. ഇത് വേരുകൾ ചീയാൻ കാരണമാകും. മാത്രമല്ല മണ്ണിലെ പോഷകങ്ങൾ നശിക്കാനും ഇത് ഇടയാക്കും. ടെറസിൽ കൃഷി ചെയ്യുമ്പോൾ പ്രധാനമായും ശ്രദ്ധിക്കേണ്ടതാണ് ഇത്. മഴ പെയ്ത് കഴിഞ്ഞാൽ പിന്നീട് മണ്ണിലേക്ക് വളം ചേർക്കേണ്ടത് അത്യാവശ്യമാണ്. അല്ലെങ്കിൽ മഴയോടൊപ്പം എല്ലാ വളങ്ങളും ഒലിച്ച് പോയിട്ടുണ്ടാവും.