ലഖ്‌നൗ: അന്യസംസ്ഥാന തൊഴിലാളികള്‍ ആരും ഉത്തര്‍പ്രദേശിലെ വീടുകളിലേക്ക് കാല്‍നടയായി മടങ്ങരുതെന്ന് മുഖ്യമന്ത്രി ആദിത്യനാഥ്. ഇത് സംബന്ധിച്ച് മുഖ്യമന്ത്രി ഉദ്യോഗസ്ഥര്‍ക്ക് നിര്‍ദേശം നല്‍കി. അന്യസംസ്ഥാന തൊഴിലാളികളെ തിരിച്ചെത്തിക്കാന്‍ നടപടികള്‍ സ്വീകരിക്കുന്നുണ്ടെന്നും മുഖ്യമന്ത്രിയുടെ ഓഫീസ് പുറത്തിറക്കിയ വാര്‍ത്താക്കുറിപ്പില്‍ വ്യക്തമാക്കി.
അന്യസംസ്ഥാന തൊഴിലാളികളെ നാട്ടിലെത്തിക്കാന്‍ അതത് സംസ്ഥാനങ്ങള്‍ നടപടി സ്വീകരിക്കണമെന്ന് കേന്ദ്രസര്‍ക്കാര്‍ നിര്‍ദ്ദേശിച്ചിട്ടുണ്ട്. സര്‍ക്കാര്‍ ബസുകളിലായി അഞ്ച് ലക്ഷത്തോളം അന്യസംസ്ഥാന തൊഴിലാളികളെ യു.പി സര്‍ക്കാര്‍ തിരിച്ചെത്തിച്ചിട്ടുണ്ട്.
ഇതര സംസ്ഥാനങ്ങളില്‍ തൊഴിലെടുക്കുന്ന യു.പിയില്‍ നിന്നുള്ള അന്യസംസ്ഥാന തൊഴിലാളികള്‍ കിലോമീറ്ററുകള്‍ നടന്നും സൈക്കിള്‍ ചവിട്ടിയും നാട്ടിലെത്താനുള്ള ശ്രമം തുടരുകയാണ്. നേരത്തേ ഗര്‍ഭിണിയടക്കമുള്ള സംഘം നടന്ന് നാടെത്താന്‍ ശ്രമിക്കുന്നത് ദേശീയ മാദ്ധ്യമങ്ങൾ റിപ്പോർട്ട് ചെയ്തിരുന്നു.ഉത്തരേന്ത്യയിൽ അന്യസംസ്ഥാന തൊഴിലാളികളുടെ അപകട മരണങ്ങൾ തുടർക്കഥയാവുകയാണ്.