ദുബായ്: കൊവിഡ് ബാധിച്ച് ചികിത്സയിലായിരുന്ന ഇന്ത്യൻ യുവതി ആരോഗ്യമുള്ള കുഞ്ഞിന് ജന്മം നൽകി. ദുബായ് അൽസഹ്ര ആശുപത്രിയിലാണ് 25കാരി പ്രസവിച്ചത്. അമ്മയും കുഞ്ഞും സുഖമായിരിക്കുന്നെന്ന് ആശുപത്രി വൃത്തങ്ങൾ അറിയിച്ചു.

കൊവിഡ് സ്ഥിരീകരിച്ച യുവതിയെ മേയ് രണ്ടിനാണ് ആശുപത്രിയിൽ പ്രവേശിപ്പിച്ചത്. മേയ് 19നായിരിക്കും പ്രസവം എന്നായിരുന്നു ഡോക്ടർമാരുടെ നിഗമനം. എന്നാൽ ആശുപത്രിയിൽ പ്രവേശിപ്പിച്ച് മൂന്നാംനാൾ പ്രസവിക്കുകയായിരുന്നു.

കുഞ്ഞിനെയും കൊവിഡ് പരിശോധനയ്ക്ക് വിധേയമാക്കിയിട്ടുണ്ടെന്നും, പരിശോധനാ ഫലത്തിനായി കാത്തിരിക്കുകയാണെന്നാം ആശുപത്രി അധികൃതർ പറഞ്ഞു.