കറ്റാനം : പൊലീസ് ഡ്രൈവറായ ഭർത്താവുമായി പിണങ്ങി മണ്ണെണ്ണയൊഴിച്ചു തീ കൊളുത്തിയ യുവതി മരിച്ചു. ഭരണിക്കാവ് നടുവിലെമുറി കറുകത്തറ വടക്കതിൽ രഞ്ജു (35) ആണ് മരിച്ചത്.കൊടുമൺ പൊലീസ് സ്റ്റേഷനിലെ ഡ്രൈവർ നൂറനാട് പുത്തൻ വിളയിൽ രതീഷിന്റെ ഭാര്യയാണ് . 2 മാസത്തിലേറെയായി ഭരണിക്കാവിലെ സ്വന്തം വീട്ടിലായിരുന്ന രഞ്ജു കഴിഞ്ഞ ദിവസം രാത്രി 9.45 ന് മണ്ണെണ്ണ ഒഴിച്ച് തീകൊളുത്തുകയായിരുന്നു. അമ്മ മാത്രമേ ഈ സമയം വീട്ടിലുണ്ടായിരുന്നുള്ളൂ.ആലപ്പുഴ മെഡിക്കൽ കോളേജ് ആശുപത്രിയിൽ ചികിത്സയിലിരിക്കെയാണ് മരണം. ഇവരുടെ വിവാഹം കഴിഞ്ഞിട്ട് നാലു വർഷമായി .